ന്യൂഡല്ഹി: കൊവിഡ് വ്യാപനത്തിന്റെ പശ്ചാത്തലത്തില് കേന്ദ്രസര്ക്കാര് ജീവനക്കാര്ക്ക് കേന്ദ്ര ആഭ്യന്തര മന്ത്രാലയത്തിന്റെ മാര്ഗനിര്ദേശം. ഓഫീസില് പതിവായി ഹാജരാക്കേണ്ട ജീവനക്കാരുടെ എണ്ണം 50 ശതമാനമായി കുറച്ചു. അണ്ടര് സെക്രട്ടറി മുതല് താഴെ തട്ടില് ജോലി ചെയ്യുന്നവര്ക്കാണ് ബാധകം. ഇവര്ക്ക് വര്ക്ക് ഫ്രം ഹോം തെരഞ്ഞെടുക്കാന് അനുമതി നല്കി.
ഭരണതലത്തില് കൂടുതല് ആളുകള് വേണമെന്ന് കണ്ടാല് വകുപ്പ് തലവന്മാര്ക്ക് നടപടി സ്വീകരിക്കാവുന്നതാണ്. ഡെപ്യൂട്ടി സെക്രട്ടറി മുതല് മുകളിലോട്ട് ജോലി ചെയ്യുന്നവര് പതിവായി ഓഫീസില് വരണം. ആള്ക്കൂട്ടം കുറയ്ക്കാന് സമയക്രമത്തില് മാറ്റം വരുത്താവുന്നതാണ്. വിവിധ ഷിഫ്റ്റുകള് എന്ന തരത്തില് സമയക്രമത്തില് മാറ്റം വരുത്തി ഒരേ സമയം ഓഫീസില് നിരവധി ജീവനക്കാര് വരുന്നത് ഒഴിവാക്കാന് മാര്ഗനിര്ദേശത്തില് പറയുന്നു.
ടെലിഫോണ് വഴിയോ മറ്റു ഇലക്ട്രോണിക്സ് മാധ്യമങ്ങള് വഴിയോ വീട്ടില് ഇരുന്ന് ജോലി ചെയ്യാനാണ് അനുമതി നല്കിയത്. കണ്ടെയ്ന്മെന്റ് സോണില് നിന്ന് വരുന്നവര്ക്ക് ഓഫീസില് വരുന്നതിലുള്ള ഇളവ് തുടരും. എല്ലാവരും സാമൂഹിക അകലം അടക്കം കോവിഡ് പ്രോട്ടോക്കോള് കൃത്യമായി പാലിക്കണമെന്നും മാര്ഗനിര്ദേശത്തില് പറയുന്നു. 45 വയസിന് മുകളിലുള്ള ഉദ്യോഗസ്ഥര് വാക്സിന് എടുത്തു എന്ന് ഉറപ്പാക്കണമെന്നും മാര്ഗനിര്ദേശത്തില് പറയുന്നു.ഏപ്രില് 30 വരെ ഇത് തുടരുമേന്നും ഉത്തരവില് പറയുന്നു.