ചെന്നൈ: തമിഴ്നാട്ടിലെ രാമനാഥപുരം ജില്ലയിൽ വിദ്യാർഥികൾക്ക് നേരേ ലൈംഗികാതിക്രമം നടത്തിയ അധ്യാപകൻ അറസ്റ്റിൽ. രാമനാഥപുരത്തെ സർക്കാർ സ്കൂൾ അധ്യാപകനാണ് അറസ്റ്റിലായത്. ഒമ്പത്, പത്ത് ക്ലാസുകളിലെ 15 വിദ്യാർഥിനികളാണ് അധ്യാപകനെതിരേ പരാതി നൽകിയത്.
ശിശുക്ഷേമ വകുപ്പ് സ്കൂളിൽ നടത്തിയ ബോധവത്കരണ പരിപാടിയിലാണ് അധ്യാപകന്റെ ലൈംഗികാതിക്രമം സംബന്ധിച്ച വിവരങ്ങൾ വിദ്യാർഥികൾ വെളിപ്പെടുത്തിയത്. ഒമ്പത്, പത്ത് ക്ലാസുകളിൽ പഠിക്കുന്ന പതിനഞ്ചോളം വിദ്യാർഥിനികൾ അധ്യാപകനെതിരേ പരാതിപ്പെട്ടുവെന്ന് പോലീസ് പറഞ്ഞു.
ഗണിതം, സാമൂഹ്യ ശാസ്ത്ര അധ്യാപകരായ രണ്ടു പേർക്കെതിരെയാണ് വിദ്യാർഥിനികൾ ആരോപണം ഉന്നയിച്ചത്. ക്ലാസ് എടുക്കുമ്പോൾ ദ്വയാർഥ പരാമർശം നടത്തുന്നു, അനുചിതമായി ശരീരത്തിൽ സ്പർശിക്കുന്നു, സ്കൂൾ വിട്ട് വീട്ടിലെത്തിയ ശേഷം ഫോണിൽ വിളിക്കുന്നു തുടങ്ങിയ ആരോപണങ്ങളാണ് കുട്ടികൾ ഉന്നയിച്ചത്.
വിദ്യാർഥിനികളുടെ പരാതിയുടെ അടിസ്ഥാനത്തിൽ സാമൂഹ്യ ശാസ്ത്ര അധ്യാപകനെയാണ് പോലീസ് ഞായറാഴ്ച പിടികൂടിയത്. രണ്ടാമത്തെ പ്രതിക്കായുള്ള തിരച്ചിൽ തുടരുകയാണ്.