കൊച്ചി : നെടുമ്പാശേരി വിമാനത്താവളത്തില്‍ വീണ്ടും വന്‍ സ്വര്‍ണ വേട്ട. ഫ്ലൈ ദുബൈ വിമാനത്തില്‍ ദുബൈയില്‍നിന്ന് വന്ന നാല് യാത്രക്കാരില്‍നിന്നായി 4.95 കിലോ സ്വര്‍ണമാണ് റവന്യൂ ഇന്‍റലിജന്‍സ് ഡയറക്ടറേറ്റ് അധികൃതര്‍ പിടികൂടിയത്. ഇതിന് രണ്ടേകാല്‍ കോടി രൂപ വില കണക്കാക്കുന്നു.
മലപ്പുറം സ്വദേശി മുഹമ്മദ്കുഞ്ഞ് മാഹിന്‍, കോഴിക്കോട് സ്വദേശികളായ മുഹമ്മദ് അര്‍ജന്‍സ, ശംസുദ്ദീന്‍, തമിഴ്നാട് തിരുനല്‍വേലി സ്വദേശി കമാല്‍ മുഹ്യിദ്ദീന്‍ എന്നിവരാണ് പിടിയിലായത്. സ്വര്‍ണം അതിവിദഗ്ധമായി കാലില്‍ കെട്ടിവെച്ച്‌ കടത്താനായിരുന്നു ഇവരുടെ ശ്രമം. ഈ മാസം 13ന് ഷാര്‍ജയില്‍നിന്ന് എത്തിയ മലപ്പുറം സ്വദേശിയില്‍നിന്ന് 531 ഗ്രാം സ്വര്‍ണം പിടികൂടിയിരുന്നു.
