സ്വര്‍ണ വില വീണ്ടും കൂടി

കൊച്ചി: സംസ്ഥാനത്ത് സ്വര്‍ണവില വീണ്ടും കൂടി. പവന് 120 രൂപ വര്‍ധിച്ച് 34840 രൂപയായി. ഗ്രാമിന് 15 രൂപ കൂടി 4355 രൂപയാണ് ഇന്നത്തെ വില.

കഴിഞ്ഞ 10 ദിവസത്തിനിടെ സ്വര്‍ണത്തിന് 1600 രൂപയാണ് വര്‍ധിച്ചത്. വരും ദിവസങ്ങളിലും വില കൂടുമെന്നാണ് സൂചന. ഈ മാസം ആദ്യം ഒരു പവന് 33,320 രൂപയായിരുന്നു സ്വര്‍ണത്തിന്റെ വില.

സ്വര്‍ണത്തെ സുരക്ഷിത നിക്ഷേപമായി കാണുന്നതും വിവാഹ സീസണായതോടെ ആവശ്യം വര്‍ധിച്ചതുമാണ് സംസ്ഥാനത്ത് സ്വര്‍ണ്ണവില ഉയരാന്‍ കാരണമായി വിലയിരുത്തപ്പെടുന്നത്.