കോഴിക്കോട്ട് മുലപ്പാൽ തൊണ്ടയിൽ കുടുങ്ങി; അഞ്ച് മാസം പ്രായമായ കുഞ്ഞ് മരിച്ചു

അടിവാരം: മുലപ്പാൽ തൊണ്ടയിൽ കുടുങ്ങി അഞ്ചു മാസം പ്രായമായ കുഞ്ഞിന് ദാരുണാന്ത്യം. കോഴിക്കോട് അടിവാരം സ്വദേശി ആഷിക് – ഷഹല ഷെറിൻ ദമ്പതികളുടെ ഏക മകളായ ജെന്ന ഫാത്തിമയാണ് മരിച്ചത്. മുലപ്പാൽ നൽകുമ്പോൾ തൊണ്ടയിൽ കുടുങ്ങുകയായിരുന്നു.

ശ്വാസ തടസം അനുഭവപ്പെട്ട കുഞ്ഞിനെ ഉടൻതന്നെ കൈതപ്പൊയിലിലെ സ്വകാര്യ ആശുപത്രിയിൽ കൊണ്ടുപോയെങ്കിലും ജീവൻ രക്ഷിക്കാനായില്ല. കുഞ്ഞിന്റെ മൃതദേഹം താമരശ്ശേരി താലൂക് ആശുപത്രിയിൽ സൂക്ഷിച്ചിരിക്കുകയാണ്.