തിരുവനന്തപുരം: പരീക്ഷ ഭവന്റെ പേരിൽ വ്യാജ സൈറ്റുണ്ടാക്കിയ സംഭവത്തിൽ ഉത്തരേന്ത്യൻ സ്വദേശി അറസ്റ്റിൽ ആയിരിക്കുന്നു. ദില്ലി സ്വദേശിയായ അവിനാശ് ശർമ്മയെയാണ് സൈബർ പൊലീസ് അറസ്റ്റ് ചെയ്തിരിക്കുന്നത്. പരീക്ഷാ ഭവന്റെ പേരിൽ വ്യാജസൈറ്റ് നിർമ്മിച്ച ഇയാൾ വ്യാജ സർട്ടിഫിക്കറ്റുകളും വിതരണം ചെയ്തിരുന്നു. ഈ വ്യാജ സർട്ടിഫിക്കറ്റുകളുപയോഗിച്ച് പലരും വിവിധ സ്ഥാപനങ്ങളിൽ ജോലിക്ക് കയറിയതായി കണ്ടെത്തുകയുണ്ടായി.
സർട്ടിഫിക്കറ്റുകളുടെ സൂക്ഷ്മ പരിശോധന സമയത്ത് ഇയാൾ നിർമിച്ച വ്യാജ സൈറ്റിലേക്കായിരുന്നു പോയിരുന്നത്. ചില സ്ഥാപനങ്ങൾ സർട്ടിഫിക്കറ്റ് പരിശോധനക്കായി പരീക്ഷാ ഭവനിലേക്കയച്ചപ്പോഴാണ് ഇവ വ്യാജമാണെന്ന് കണ്ടെത്തിയത്. തുടർന്ന് പരീക്ഷ സെക്രട്ടറി നൽകിയ പരാതിയിൽ സൈബർ പൊലീസ് നടത്തിയ അന്വേഷണത്തിലാണ് പ്രതി അറസ്റ്റിലാവുന്നത്. ഇയാളെ നാളെ കേരളത്തിലെത്തിക്കും.
ബ്രേക്കിംഗ് കേരളയുടെ വാട്സ് അപ്പ് ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക Whatsapp Group
| Telegram Group | Google News