ബാലതാരമായി സിനിമയിലേക്ക് കടന്നുവന്ന് ശ്രദ്ധേയമായ കഥാപാത്രങ്ങളിലൂടെ പ്രേക്ഷകരുടെ പ്രിയങ്കരിയായി മാറിയ താരമാണ് എസ്തര് അനില്. ദൃശ്യത്തിലെ അനുമോള് എന്ന കഥാപാത്രം ഏറെ ശ്രദ്ധ നേടി.
സിനിമകള്ക്ക് പുറമെ ഫോട്ടോഷൂട്ടുകളിലൂടെയും താരം ഇതിനോടകം ശ്രദ്ധനേടിക്കഴിഞ്ഞു. സമൂഹമാധ്യമങ്ങളില് സജീവമായ എസ്തര് വിശേഷങ്ങള് പങ്കുവയ്ക്കാറുണ്ട്. ഏറ്റവും ഒടുവിലായി ഇന്സ്റ്റാഗ്രാമില് പോസ്റ്റ് ചെയ്ത ചിത്രങ്ങളാണ് ഇപ്പോള് വൈറലായി മാറുന്നത്.
തനിയ്ക്കുമൊരു കാമുകന് ഉണ്ടെങ്കില് എന്ന ആഗ്രഹം പ്രകടിപ്പിച്ചിരിയ്ക്കുകയാണ് എസ്തര്. സിംഗിള് ലൈഫ് എന്ന് പറഞ്ഞു കൊണ്ടാണ് ഒരു മാളില് നില്ക്കുന്ന ഫോട്ടോയ്ക്കൊപ്പം എസ്തര് തന്റെ ആഗ്രഹം പങ്കുവച്ചത്. ആകസ്മികമായി തോന്നിയതാണെന്ന് ഹാഷ് ടാഗിലൂടെ എസ്തര് വ്യക്തമാക്കിയിട്ടുണ്ട്. റോമിയോയോട് തന്നെ രക്ഷപ്പെടുത്താനും നടി ആവശ്യപ്പെടുന്നുണ്ട്.
മാസ്ക് ധരിച്ച് പഴയ ബെല്ബോട്ടന് പാന്റ്സും ധരിച്ച് നില്ക്കുകയാണ് എസ്തര് അനില്. രസകരമായ കമന്റുകളാണ് ചിത്രത്തിന് താഴെ വരുന്നത്. ‘പിന്നെ എന്തിനാ മുത്തേ ചേട്ടന്’ എന്ന് തുടങ്ങിയ കമന്റുകളും ചിത്രത്തിന് ലഭിക്കുന്നു.
മഞ്ജു വാര്യരും കാളിദാസ് ജയറാമും കേന്ദ്ര കഥാപാത്രങ്ങളായി എത്തുന്ന ജാക്ക് ആന്റ് ജില് ആണ് എസ്തറിന്റെതായി റിലീസിനൊരുങ്ങുന്ന അടുത്ത ചിത്രം. ദൃശ്യം 2 തെലുങ്ക് റീമേക്കിലും എസ്തര് അഭിനയിക്കുന്നുണ്ട്.