കൊല്ലം: ആഴക്കടല്‍ മത്സ്യബന്ധനവുമായി ബന്ധപ്പെട്ട് ധാരണാപത്രമുണ്ടാക്കിയ കമ്പനി ഇ.എം.സി.സി ഡയറക്ടറുടെ ആസ്തി 10,000 രൂപ മാത്രം. കുണ്ടറയില്‍ സ്വതന്ത്രനായി മത്സരിക്കുന്ന ഷിജു എം. വര്‍ഗീസ് തെരഞ്ഞെടുപ്പ് കമ്മീഷന് സമര്‍പ്പിച്ച സത്യവാങ്മൂലത്തിലാണ് ഇക്കാര്യമുള്ളത്.
ഇന്ത്യയില്‍ മറ്റ് വസ്തുവകകളില്ലെന്നും സത്യവാങ്മൂലത്തില്‍ പറയുന്നു. തെരഞ്ഞെടുപ്പില്‍ മത്സരിക്കുന്നവര്‍ സ്വന്തം പേരിലുള്ള സ്വത്തുവിവരങ്ങള്‍ കൃത്യമായി രേഖപ്പെടുത്തണമെന്ന ചട്ടത്തിലാണ് ഷിജു വര്‍ഗീസ് സത്യവാങ്മൂലം നല്‍കിയത്.
ആഴക്കടല്‍ മത്സ്യബന്ധനവുമായി ബന്ധപ്പെട്ട് 5000 കോടിയുടെ ധാരണപത്രമുണ്ടാക്കിയ കമ്പനിയാണ് ഇഎംസിസി. എന്നാല്‍ ഇതിനു പിന്നാലെയുണ്ടായ വിവാദങ്ങളെ തുടര്‍ന്ന് ഇഎംസിസിയുമായുള്ള എല്ലാ കരാറുകളും കേരള സര്‍ക്കാര്‍ റദ്ദാക്കിയിരുന്നു.
ബ്രേക്കിംഗ് കേരളയുടെ വാട്സ് അപ്പ് ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക Whatsapp Group
| Telegram Group | Google News
