ദുബായ് വിമാനത്താവളം അടച്ചു

ദുബായ്: ദുബായ് വിമാനത്താവളം താത്കാലികമായി അടച്ചു. ഇറാൻ-ഇസ്രയേൽ സംഘർഷം നിലനിൽക്കുന്ന പശ്ചാത്തലത്തിൽ യാത്രക്കാരുടേയും ജീവനക്കാരുടേയും സുരക്ഷ കണക്കിലെടുത്താണ് വിമാനത്താവളത്തിന്റെ പ്രവർത്തനം താത്കാലികമായി നിർത്തിവെച്ചതെന്നാണ് അധികൃതർ അറിയിക്കുന്നത്.

യാത്രക്കാർ, വിമാനത്താവളത്തിലെ ജീവനക്കാർ എന്നിവരുടെ സുരക്ഷ കണക്കിലെടുത്താണ് വിമാനത്താവളം അടച്ചതെന്ന് ദുബായ് വിമാനത്താവള അധികൃതർ പ്രസ്താവനയിൽ അറിയിച്ചു. സുരക്ഷ വിലയിരുത്തി, സാഹചര്യങ്ങൾ മെച്ചപ്പെട്ട ശേഷം വിമാനത്താവളം സാധാരണ നിലയിൽ പ്രവർത്തിക്കുമെന്നും അധികൃതർ അറിയിച്ചു.

ശനിയാഴ്ച രാവിലെ ദുബായ് വിമാനത്താവളത്തിന് നേരെ ആക്രമണം ഉണ്ടായതായി റിപ്പോർട്ടുകളുണ്ടായിരുന്നു. വിവിധ ദൃശ്യങ്ങളും ഇതുമായി ബന്ധപ്പെട്ട് പ്രചരിച്ചിരുന്നു. എന്നാൽ ദുബായ് മീഡിയ ഓഫീസ് ഇക്കാര്യം നിഷേധിച്ചു. ഇത്തരത്തിൽ ഒരു ആക്രമണം ഇല്ല എന്നാണ് ദുബായ് അധികൃതർ അറിയിച്ചിരിക്കുന്നത്.

Dubai International Airport has been temporarily closed due to the ongoing conflict between Iran and Israel. Authorities announced the suspension of operations as a precautionary measure to ensure the safety of passengers and staff. This disruption in one of the world’s busiest aviation hubs is expected to impact thousands of travelers, including the large expatriate community from Kerala, leading to significant flight cancellations and diversions across the region.