കോഴിക്കോട്: മാവൂര്‍ റോഡിലെ ലോഡ്ജില്‍ നിന്ന് സിന്തറ്റിക് ലഹരിമരുന്ന് പിടികൂടി. ലഹരിമരുന്ന് കൊണ്ടുവന്ന മൂന്നു സ്ത്രീകള്‍ അടക്കം എട്ടു പേരെയും പോലീസ് പിടികൂടി. ലോഡ്ജിലെ നാല് മുറികളിലാണ് സംഘം താമസിച്ചിരുന്നത്. ലോഡ്ജില്‍ റെയ്ഡ് നടത്തിയാണ് പോലീസ് ഇവരെ പിടികൂടിയത്.
അതിമാരകമായ ലഹരി മരുന്നാണ് ഇവരില്‍ നിന്ന് പിടിച്ചെടുത്തത്. ഇവര്‍ എല്ലാവരും ലഹരിമരുന്ന് ഉപയോഗിച്ച നിലയിലാണ്. ലഹരി വില്‍പ്പനയ്ക്കാണ് സംഘം നഗരത്തില്‍ എത്തിയത്. പല സ്ഥലങ്ങളിലും ഇവര്‍ ഇത്തരത്തില്‍ ലഹരി മരുന്ന് സൂക്ഷിച്ചിട്ടുണ്ടെന്ന് പോലീസ് പറയുന്നു. മൂന്നു പേരെ പോലീസ് സ്റ്റേഷനിലേക്ക് എത്തിച്ചു. അഞ്ചു പേരെ ചോദ്യം ചെയ്യുകയാണ്.
റെയ്ഡ് തുടരുകയാണെന്നും സംഘത്തിന് അന്തര്‍ സംസ്ഥാന ബന്ധമുണ്ടോയെന്നും പരിശോധിക്കുന്നുവെന്നും പോലീസ് പറഞ്ഞു. എന്നാല്‍, പോലീസ് കള്ളക്കേസില്‍ കുടുക്കിയതാണെന്നും ലഹരിമരുന്ന് പോലീസ് മുറിയില്‍ കൊണ്ടുവന്ന് വച്ചതാണെന്നുമാണ് പ്രതികള്‍ പറയുന്നത്.
