തിരുവനന്തപുരം: കേരളത്തിലെ മെഡിക്കൽ വിദ്യാഭ്യാസ രം ഗത്തിന്റെ ഭാവിയെ തന്നെ ചോദ്യം ചെയ്യപ്പെടുന്ന വിധത്തിലുള്ള അശാസ്ത്രീയമായുള്ള കൂട്ട സ്ഥലംമാറ്റ ഉത്തരവ് പിൻവലിക്കണമെന്ന് സർക്കാർ മെഡിക്കൽ കോളേജ് അധ്യാപക സംഘടനയായ കെജിഎംസിടിഎ ആവശ്യപ്പെട്ടു.
നാഷണൽ മെഡിക്കൽ കൗൺസിലിന്റെ പരിശോധനയ്ക്ക് മുന്നോടിയായി കോന്നി, ഇടുക്കി മെഡിക്കൽ കോളേജുകളിലേക്ക് തിരുവനന്തപുരം, കോട്ടയം, തൃശ്ശൂർ മെഡിക്കൽ കോളേജുകളിൽ നിന്നുള്ള 61 സ്പെഷ്യലിസ്റ്റ് അധ്യാപകരെയാണ് ഒറ്റ ദിവസം കൊണ്ട് സ്ഥലം മാറ്റി വിടുതൽ ഉത്തരവ് നൽകിയത്. കോന്നി മെഡിക്കൽ കോളേജിൽ 33 ഉം, ഇടുക്കിയിൽ 28 പേരെയും സ്ഥലം മാറ്റി അടുത്ത ദിവസം തന്നെ ചുമതല ഏറ്റെടുക്കാനുള്ള ഉത്തരവ് പുനപരിശോധിക്കണമെന്നും കെജിഎംസിടിഎ ആവശ്യപ്പെട്ടു.
ഈ മെഡിക്കൽ കോളേജുകളിൽ നാഷണൽ മെഡിക്കൽ കമ്മീഷന്റെ നടപടി പൂർത്തിയാക്കാനായി സർക്കാർ പുതിയ പോസ്റ്റ് അനുവദിച്ചതിൽ ഉണ്ടായ കാലതാമസം ഈ പ്രതിസന്ധിയുടെ അടിസ്ഥാന കാരണം. പ്രസ്തുത തസ്തികകളിൽ പി.എസ്. സി 2023 ഒക്ടോബറിൽ നോട്ടിഫിക്കേഷൻ ഇറക്കിയിരുന്നെങ്കിലും അതിന് ശേഷം പി.എസ്. സിയിൽ നിന്നും ഒരു തുടർ നടപടിയും ഉണ്ടായിട്ടില്ല.
സമയ ബന്ധിതമായി പി.എസ്.സി പരീക്ഷ നടത്തി റാങ്ക് പട്ടിക പ്രസിദ്ധീകരിച്ചുരുന്നുവെങ്കിൽ ഇപ്പോൾ നിലവിലെ പ്രശ്നം ഉണ്ടാകില്ലായിരുന്നു. അത് നടപ്പിലാക്കാതെ തിരുവനന്തപുരം, കോട്ടയം, തൃശ്ശൂർ മെഡിക്കൽ കോളേജുകളിൽ നിന്നുള്ളവരെ സ്ഥലം മാറ്റുന്നതോടെ അവിടങ്ങളിലെ രോഗീപരിചരണത്തെ ഗുരുതരമായി ബാധിക്കുന്ന അവസ്ഥ ഉണ്ടായിരിക്കുന്നു .
നേരത്തെ തന്നെ സർക്കാർ ഇത്തരത്തിലുളള നടപടികൾ കൈകൊണ്ടപ്പോൾ കെജിഎംസിടിഎ പ്രത്യക്ഷ സമരത്തിന് ഇറങ്ങാതിരുന്നത് കേരളത്തിലെ മെഡിക്കൽ കോളേജുകളുടെ സ്റ്റാറ്റസിന് കോട്ടം തട്ടാതിരിക്കാനും, വിദ്യാർത്ഥികളുടെ ഭാവിക്ക് പ്രശ്നം ഉണ്ടാകാതിരിക്കുവാനുമായിരുന്നു. എന്നാൽ കാലങ്ങളായി തുടർന്ന് വരുന്ന NMC യെ പറ്റിക്കുന്ന തരത്തിലുളള ഇത്തരം നടപടിക്കെതിരെ സമരത്തിന് ഇറങ്ങേണ്ടി വരുന്ന അവസ്ഥയിലേക്ക് തള്ളിവിട്ടിരിക്കുന്ന അവസ്ഥയാണെന്ന് കെജിഎംസിടിഎ അറിയിക്കുന്നു .
കേവലം ഒരു വർഷം മുൻപ് ജനറൽ ട്രാൻസ്ഫറിൽ സ്ഥലം മാറ്റം ലഭിച്ചവരെ പോലും യാതൊരു വിധ മാനദണ്ഡവും പരിഗണിക്കാതെ സ്ഥലം മാറ്റിയിരിക്കുകയാണ് . ഇതിൽ പലരുടേയും മക്കൾക്ക് വാർഷിക board, യൂണിവേഴ്സിറ്റി പരീക്ഷകളും, എൻട്രൻസും പരീക്ഷയും ഉൾപ്പെടെ അടുത്തുള്ള സാഹചര്യത്തിൽ ഇത്തരത്തിലുളള സ്ഥലം മാറ്റം അവരുടെ കുടുംബത്തേയും താളം തെറ്റിക്കും. 2018 ന് ശേഷം ഗൈനക്കോളജി, ഓർത്തോ, ഡെർമറ്റോളജി വിഭാ ഗത്തിലെ നിയമം നടന്നിട്ടില്ല. ഈ അവസരത്തിലാണ് പല സ്ഥലം മാറ്റങ്ങളും.
സ്ഥലം മാറ്റപ്പെട്ടവരുടെ ആധാർ ഡേറ്റ പഞ്ചിം ഗ് ഉൾപ്പെടെ ഒരു ദിവസം കൊണ്ട് മാറ്റം വരുത്തി ഇവർക്ക് എന്ന് തിരികെ വരാനാകുമെന്ന കാര്യത്തിൽ പോലും വ്യക്തത വരുത്താത്ത ഈ നടപടി പിൻവലിക്കണമെന്ന് കെജിഎംസിടിഎ സംസ്ഥാന സമിതി ആവശ്യപ്പെട്ടു.