ന്യൂഡല്ഹി: ഡല്ഹി നിയമസഭ തെരഞ്ഞടുപ്പിന്റെ ഫലം ഇന്നറിയാം . രാവിലെ 8 മണിക്ക് വോട്ടെണ്ണല് ആരംഭിക്കും.എക്സിറ്റ് പോള് ഫലങ്ങളുടെ ആത്മവിശ്വാസത്തിലാണ് എഎപി. ഭരണകക്ഷിയായ ആം ആദ്മി പാര്ട്ടിക്ക് അനുകൂലമായ ഫലങ്ങളാണ് പുറത്തു വരുന്നതെങ്കിലും പൗരത്വ ഭേദഗതി നിയമവുമായി ബന്ധപ്പെട്ടുള്ള പ്രതിഷേധങ്ങള്ക്കിടയിലും ബിജെപി മുന്നേറ്റമുണ്ടാക്കുമെന്നാണ് പ്രമുഖ എക്സിറ്റ് പോള് ഫലങ്ങളെല്ലാം തന്നെ പ്രവചിക്കുന്നത്. എന്നാല് കോണ്ഗ്രസിന്റെ നില പതിവുപോലെ തന്നെ ദയനീയമായി തുടരുമെന്നും വ്യത്യസ്ത എക്സിറ്റ് പോളുകള് കണ്ടെത്തിയിട്ടുണ്ട്.
70 നിയമ സഭാ മണ്ഡലങ്ങളിലേക്കാണ് വോട്ടെടുപ്പ് നടന്നത്. 62.59 ശതമാനം പോളിംഗ് ആണ് ഇത്തവണ രേഖപ്പെടുത്തിയത്. കഴിഞ്ഞ ലോക്സഭാ തെരഞ്ഞെടുപ്പില് ഉള്ളതിനേക്കാള് രണ്ട് ശതമാനം അധികമാണ് ഇത്തവണ ഡല്ഹി നിയമസഭ തെരഞ്ഞെടുപ്പില് പോളിംഗ് നടന്നതെന്ന് മുഖ്യ തെരഞ്ഞെടുപ്പ് ഓഫീസര് രണ്ബീര് സിംഗ് പറഞ്ഞു . ബല്ലിമാരന് മണ്ഡലത്തിലാണ് ഇക്കുറി ഏറ്റവും കൂടുതല് വോട്ടിംഗ് ശതമാനം ഉള്ളത് 71.6 ശതമാനം. കുറവ് ഡല്ഹി കന്റോണ്മെന്റ് മണ്ഡലത്തിലായിരുന്നു 45.4 ശതമാനം.