പൗരത്വനിയമ ഭേദഗതി നിയമം ഡല്‍ഹിയില്‍ ബി.ജെ.പിയെ തുണയ്ക്കുമോ? എക്‌സിറ്റ്‌പോള്‍ ഫലങ്ങള്‍ ഇങ്ങനെ
ന്യൂഡല്‍ഹി: പൗരത്വനിയമത്തിന്റെ ഹിതപരിശോധനയെന്ന് വിശേഷിപ്പിയ്ക്കാവുന്ന ഡല്‍ഹി നിയമസഭാ തെരഞ്ഞെടുപ്പില്‍ ആം ആദ്മി പാര്‍ട്ടി അധികാരം നിലനിര്‍ത്തുമെന്ന് എക്‌സിറ്റ് പോള്‍ ഫലങ്ങള്‍. മുഴുവന്‍ എക്‌സിറ്റ് പോള്‍ ഫലങ്ങളും ആപ്പിനാണ് ഭരണം പ്രവചിയ്ക്കുന്നത്.
ആം ആദ്മി പാര്‍ട്ടിക്ക് 44 സീറ്റുകള്‍ വരെ ലഭിക്കുമെന്ന് ടൈംസ് നൗവും ഇന്ത്യാ ടി.വിയും പ്രവചിക്കുന്നു. ബി.ജെ.പിയ്ക്ക് 26 സീറ്റുകള്‍ ലഭിക്കും. കോണ്‍ഗ്രസിന് സീറ്റൊന്നും ലഭിക്കില്ലെന്നും സര്‍വേ പറയുന്നു.
വിവിധ എക്‌സിറ്റ് പോള്‍ ഫലങ്ങള്‍
എ.ബി.പി ന്യൂസ് – സി വോട്ടര്‍
എ.എ.പി : 49-63 | ബി.ജെ.പി : 5-19 | കോണ്‍ഗ്രസ് +: 4
റിപ്പബ്ലിക്
എ.എ.പി : 48-61 |ബി.ജെ.പി : 9-21 | കോണ്‍ഗ്രസ് +: 0-1
ന്യൂസ് എക്‌സ്
എ.എ.പി : 53-57 |ബി.ജെ.പി : 11-17 | കോണ്‍ഗ്രസ് +: 0-2
ഇന്ത്യാ ന്യൂസ്
എ.എ.പി : 55 |ബി.ജെ.പി : 14 | കോണ്‍ഗ്രസ് +: 1
സുദര്‍ശന്‍ ന്യൂസ്
എ.എ.പി : 40-45 |ബി.ജെ.പി : 24-28 | കോണ്‍ഗ്രസ് +: 2-3
ജന്‍ കി ബാത്ത്
എ.എ.പി : 49-61 | ബി.ജെ.പി : 9-21 | കോണ്‍ഗ്രസ് +: 0-1
ടി.വി 9 ഭാരത് വര്‍ഷ്
എ.എ.പി : 54 | ബി.ജെ.പി : 15 | കോണ്‍ഗ്രസ് +: 1
എക്‌സിറ്റ് പോളുകള്‍ ശരിയാണെന്ന് തെളിഞ്ഞാല്‍, 2015 ല്‍ നിന്ന് കെജ്രിവാളിന്റെ പാര്‍ട്ടിക്ക് 16 സീറ്റുകള്‍ നഷ്ടപ്പെടും.
പൗരത്വ നിയമത്തിനെതിരായ ഷഹീന്‍ ബാഗ് പ്രതിഷേധം ”ദേശവിരുദ്ധമാണ്” എന്നും രാജ്യദ്രോഹികളുടെ പിന്തുണയോടെയാണ് എന്നൊക്കെയുള്ള തീവ്രമായ പ്രചാരണത്തോടെയുള്ള അവസാന നിമിഷത്തെ കുതിപ്പില്‍ നിന്ന് ബിജെപി നേട്ടമുണ്ടാക്കിയിരിക്കാം
ഇന്ത്യയുടെ മതേതര ഭരണഘടന ലംഘിക്കുന്നുവെന്നും മുസ്ലിംകളോട് വിവേചനം കാണിക്കുകയും വെന്നും ആരോപിച്ച് വിവാദ പൗരത്വ ഭേദഗതി നിയമത്തിനെതിരെ രണ്ടുമാസം മുമ്പ് വന്‍ പ്രതിഷേധം ഉയര്‍ന്നതിന് ശേഷം ഡല്‍ഹിയില്‍ നടക്കുന്ന ആദ്യ തെരഞ്ഞെടുപ്പാണ് ഇത്.
2015 ലെ നിയമസഭാ തെരഞ്ഞെടുപ്പില്‍ ആം ആദ്മി പാര്‍ട്ടി 54.3 ശതമാനം വോട്ടും ബിജെപി 32 ശതമാനവും കോണ്‍ഗ്രസിന് 9.6 ശതമാനവും നേടി.
