മലപ്പുറം: മലപ്പുറം കുറ്റിപ്പാലയില് വിദ്യാര്ഥിനിയെ തൂങ്ങിമരിച്ച നിലയില് കണ്ടെത്തി. കൂടലൂര് സ്വദേശിനിയും ഡിഗ്രി വിദ്യാര്ഥിനിയുമായ അക്ഷയ (18) ആണ് മരിച്ചത്. ബുധനാഴ്ച വൈകിട്ട് ഏഴുമണിയോടെയാണ് സംഭവം. പഠനവുമായി ബന്ധപ്പെട്ട് കുറ്റിപ്പാലയിലെ അമ്മായിയുടെ വീട്ടിലാണ് അക്ഷയ താമസിച്ചിരുന്നത്.
കോളേജില് നിന്ന് തിരികെ എത്തിയ വിദ്യാര്ഥിനി ആറുമണിയോടെ മുകളിലെ മുറിയില് പോവുകയായിരുന്നു. ഏറെ നേരം കഴിഞ്ഞിട്ടും കുട്ടിയെ കാണാതായതോടെ വീട്ടുകാര് റൂമില് ചെന്ന് പരിശോധിച്ചപ്പോഴാണ് ജനല് കമ്പിയില് ഷാള് മുറുക്കി തൂങ്ങിയ നിലയില് കണ്ടെത്തിയത്.
അകത്തെത്തറയിലെ വീട്ടമ്മയുടെ ആത്മഹത്യ; മൈക്രോഫിനാൻസുകാരുടെ ശല്യം മൂലം
തുടര്ന്ന് എടപ്പാളിലെ സ്വകാര്യ ആശുപത്രിയില് പ്രവേശിപ്പിച്ചെങ്കിലും മരണം സംഭവിച്ചിരുന്നു. കൂടല്ലൂര് സ്വദേശി കൊടക്കാട്ട് വളപ്പില് ഉണ്ണികൃഷ്ണന്റെയും ഷീബയുടെയും മക്കളാണ് അക്ഷയ.
മലപ്പുറം മഞ്ചേരിയിൽ കഴിഞ്ഞ ദിവസം വിദ്യാര്ഥിനിയെ വീടിനകത്ത് തൂങ്ങി മരിച്ച നിലയില് കണ്ടെത്തിയിരുന്നു. മഞ്ചേരി പുല്പ്പറ്റ ചീതോത്ത് റോഡ് പാലമഠത്തില് ബീരാന്കുട്ടിയുടെ മകള് ഫാത്തിമ സാലിഹ (13) ആണ് മരിച്ചത്. പൂക്കൊളത്തൂര് ഹൈസ്കൂളില് എട്ടാം ക്ലാസ് വിദ്യാര്ഥിനിയാണ്. എസ് ഐ ആര് പി സുജിത്ത് ഇന്ക്വസ്റ്റ് നടപടികൾ പൂർത്തിയാക്കിയിരുന്നു.