തൃശൂര്: ഗുരുവായൂര് ക്ഷേത്രത്തില് ഭക്തരെ പ്രവേശിപ്പിക്കാന് തീരുമാനം. വെര്ച്വല് ക്യൂ വഴി 3000 പേരെ അനുവദിക്കാനാണ് തീരുമാനം. ചോറൂണ് ഒഴികെ മറ്റ് വഴിപാടുകള് നടത്താനും അനുമതിയുണ്ട്. പ്രദേശത്തെ കണ്ടെയ്ന്മെന്റ് സോണില് നിന്ന് നീക്കിയതിനെ തുടര്ന്നാണ് തീരുമാനം.
കളക്ടറുടെ തീരുമാനം വന്നാലുടന് പ്രവേശന തീയതി തീരുമാനിക്കും. വൈറസ് വ്യാപനത്തിന്റെ പശ്ചാത്തലത്തില് ഗുരുവായൂര് ക്ഷേത്രത്തില് പന്ത്രണ്ട് മുതലാണ് ഭക്തര്ക്ക് ദര്ശന വിലക്ക് ഏര്പ്പെടുത്തിയിരുന്നത്. ഭക്തര്ക്ക് വിലക്കുണ്ടെങ്കിലും പൂജകള് മുടക്കമില്ലാതെ നടന്നിരുന്നു.
ഈ മാസം ഒന്നാം തീയതി മുതലാണ് ഭക്തര്ക്ക് നാലമ്പലത്തിനകത്തേക്ക് പ്രവേശനം അനുവദിച്ചത്. എന്നാല് ജീവനക്കാര്ക്ക് വൈറസ് ബാധ സ്ഥിരീകരിച്ചതിനെ തുടര്ന്ന് നാല് ദിവസത്തിനകം നിര്ത്തി.
ബ്രേക്കിംഗ് കേരളയുടെ വാട്സ് അപ്പ് ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക Whatsapp Group
| Telegram Group | Google News