![](https://breakingkerala.com/wp-content/uploads/2021/09/IMG_20210902_211421.png)
എറണാകുളം:കൊച്ചി മേയർ എം. അനിൽകുമാറിന് ഭീഷണികത്ത്. ബിൻലാദൻ ഉൾപ്പടെയുള്ളവരുടെ ചിത്രം പതിപ്പിച്ച ഭീഷണി കത്ത് തപാൽ വഴിയാണ് ലഭിച്ചത്.
കൊച്ചി കടപ്പുറത്ത് നഗ്നനായി നടത്തിക്കും. പത്രമാധ്യമങ്ങളിൽ തന്റെ ഫോട്ടോ കണ്ട് പോകരുത്. ഫോട്ടോ കൊടുത്ത് അഹങ്കാരം കാട്ടിയാൽ രാത്രി ഇരുട്ടടി കിട്ടുമെന്നും കൈകാലുകൾ അടിച്ച് ഒടിക്കുമെന്നും കത്തിൽ പറയുന്നു.
ചീഫ് കമാന്റർ ഓഫ് താലിബാൻ, ഫക്രുദ്ദീൻ അൽത്താനി എന്ന പേരിലായിരുന്നു കത്ത്. സംഭവത്തിൽ നിയമനപടി ആവശ്യപ്പെട്ട് സിറ്റി പൊലീസ് കമ്മീഷണർക്ക് എൽഡിഎഫ് പരാതി നൽകി. എൽഡിഎഫ് പാർലമെന്ററി പാർട്ടി സെക്രട്ടറി ബെനഡിക്ട് ഫെർണാണ്ടസാണ് പരാതി നൽകിയിരിക്കുന്നത്.
തന്നോട് ആർക്കെങ്കിലും വിരോധമുള്ളതായി അറിയില്ലെന്നും മാനസിക വിഭ്രാന്തിയുള്ള ആരോ ആണ് ഇത് ചെയ്തതെന്നും മേയർ അനിൽകുമാർ പറഞ്ഞു. എന്തായാലും ഇതിനു പിന്നാലെ നടക്കാൻ ഇല്ല. മേയർ എന്ന നിലയിൽ ഒരു ഭീഷണി വന്നപ്പോൾ അത് പോലീസിൽ അറിയിക്കുകയാണ് ചെയ്തത്, അദ്ദേഹം വ്യക്തമാക്കി.