ചെന്നൈ:ഇളയദളപതി വിജയുടെ മാസ്റ്ററിന് ശേഷം ഇളയദളപതി വിജയ്യെ നായകനാക്കി ലോകേഷ് കനകരാജ് ഒരുക്കുന്ന ദളപതി 67 എന്ന പുതിയ ചിത്രത്തിനായുള്ള ആരാധകരുടെ കാത്തിരിപ്പിലാണ് ആരാധകര്. ഇപ്പോഴിതാ ചിത്രത്തെ സംബന്ധിച്ച ഒരു റിപ്പോര്ട്ട് ആണ് ആരാധകര് ഏറ്റെടുത്തിരിക്കുന്നത്.
ദളപതി67ന്റെ സാറ്റലൈറ്റ് ഒറ്റിറ്റി അവകാശങ്ങള് വന് തുകയ്ക്ക് വിറ്റുപോയെന്നാണ് റിപ്പോര്ട്ട്. 80 കോടി നല്കി സണ് നെറ്റ്വര്ക്കും 120 കോടി നല്കി നെറ്റ്ഫ്ലിക്സുമാണ് സാറ്റലൈറ്റ് ഒറ്റിറ്റി അവകാശങ്ങള് സ്വന്തമാക്കിയത് എന്നാണ് പുറത്ത് വരുന്ന വിവരം. ചിത്രത്തില് ഗൗതം മേനോനും ഒരു പ്രധാന വേഷം കൈകാര്യം ചെയ്യും.
ചിത്രത്തില് നെഗറ്റീവ് ഷെയ്ഡുള്ള കഥാപാത്രത്തെ സാമന്ത അവതരിപ്പിക്കും എന്നാണ് സിനിമാ വൃത്തങ്ങള് അറിയിക്കുന്നത്. ഗ്യാങ്സ്റ്റര് പശ്ചാത്തലത്തില് ഒരുങ്ങുന്ന സിനിമയില് പൊലീസ് വേഷത്തിലാകും താരസുന്ദരി എത്തുക എന്നാണ് ദേശീയ മാധ്യമങ്ങളില് പറയുന്നത്. മാത്രമല്ല ത്രിഷ, കീര്ത്തി സുരേഷ് എന്നിവരും ചിത്രത്തില് പ്രാധാന വേഷങ്ങളില് എത്തും.ചിത്രത്തില് വില്ലന് വേഷം അവതരിപ്പിക്കുന്നത് ധനുഷ് ആയേക്കാം എന്നും റിപ്പോര്ട്ടുകളുണ്ട്.
അതേസമയം, വിജയ്യുടെ 66ആം ചിത്രമായ വാരിസ് അണിയറയില് പുരോഗമിക്കുകയാണ്. പ്രശസ്ത തെലുങ്ക് സംവിധായകനായ വംശി പൈടിപ്പളിയുടെ സംവിധാനത്തിലാണ് ചിത്രം ഒരുങ്ങുന്നത്. ചിത്രത്തില് കൊറിയോഗ്രാഫറായി എത്തുന്നത് പ്രഭു ദേവയാണ്. 13 വര്ഷങ്ങള്ക്ക് ശേഷമാണ് ഇരുവരും ഒന്നിക്കുന്നത്.പോക്കിരി, വില്ല് എന്നീ വിജയ് ചിത്രങ്ങള്ക്ക് വേണ്ടി പ്രഭുദേവയാണ് നൃത്തരംഗം ഒരുക്കിയത്. അഥിതി വേഷത്തില് പ്രഭുദേവ എത്തുമെന്നും അഭ്യൂഹങ്ങളുണ്ട്.
തമിഴ്, തെലുങ്ക് എന്നീ രണ്ടു ഭാഷകളില് ഒരേസമയമായിരിക്കും ചിത്രത്തിന്റെ ഷൂട്ടിങ് നടക്കുക. ചിത്രത്തില് പ്രകാശ് രാജും പ്രധാന കഥാപാത്രത്തെ അവതരിപ്പിക്കുന്നുണ്ട്. 13 വര്ഷത്തിന് ശേഷം ഇരുവരും ഒന്നിക്കുന്ന ചിത്രമാണിത്. ‘ഗില്ലി’, ‘പോക്കിരി’ തുടങ്ങിയ നിരവധി സൂപ്പര്ഹിറ്റ് ചിത്രങ്ങളില് ഇരുവരും ഒന്നിച്ച് അഭിനയിച്ചിട്ടുണ്ട്.