കൊച്ചി :നെടുമ്പാശ്ശേരി വിമാനത്താവളത്തിൽ കസ്റ്റംസ് പരിശോധന. വിവിധ യാത്രക്കാരിൽ നിന്നായി ഒരു കിലോയോളം സ്വർണം പിടികൂടി. വിമാനത്താവളത്തിന് പുറത്താണ് കസ്റ്റംസ് പ്രിവന്റ്റെ വിഭാഗത്തിന്റെ പരിശോധന നടക്കുന്നത്. ഇത് ആദ്യമാണ് വിമാനത്താവളത്തിന് പുറത്ത് കസ്റ്റംസ് പരിശോധന നടത്തുന്നത്. ശരീരത്തിൽ ഒളിപ്പിച്ചു കടത്താൻ ശ്രമിക്കുന്നതിനിടെയാണ് സ്വർണം പിടികൂടിയത്. മലപ്പുറം സ്വദേശിയായ ഒരു യാത്രക്കാരനെ കസ്റ്റഡിയിൽ എടുത്തു.
കരിപ്പൂര് വിമാനത്താവളത്തില് ഇന്നലെ കസ്റ്റംസിന്റെ വന് സ്വര്ണവേട്ട നടന്നിരുന്നു.ദുബായില്നിന്ന് കടത്തിയ അഞ്ചുകിലോ സ്വര്ണമിശ്രിതം പിടികൂടി. സംഭവത്തില് ഇന്ഡിഗോ വിമാന കമ്പനിയിലെ രണ്ട് ജീവനക്കാരെ കസ്റ്റംസ് അറസ്റ്റ് ചെയ്തു. ഇന്ഡിഗോയുടെ റാംപ് സൂപ്പര്വൈസര് സാജിദ് റഹ്മാന്, കസ്റ്റമര് സര്വീസ് ഏജന്റ് മുഹമ്മദ് സാമില് എന്നിവരാണ് അറസ്റ്റിലായത്. ഇരുവരും സ്വര്ണക്കടത്തിന് കൂട്ടുനിന്നവരാണെന്നും നേരത്തെ പലതവണ സ്വര്ണം കടത്താന് സഹായിച്ചവരാണെന്നും കസ്റ്റംസ് പറഞ്ഞു.
വയനാട് സ്വദേശി അഷ്ക്കര് അലിയാണ് തന്റെ ലഗേജില് അഞ്ചുകിലോ സ്വര്ണമിശ്രിതം കടത്തിയത്. പെട്ടിക്കുള്ളില് സൂക്ഷിച്ചിരുന്ന വസ്ത്രങ്ങളില് രഹസ്യഅറകളുണ്ടാക്കിയാണ് രണ്ടരക്കോടി രൂപ വിലവരുന്ന സ്വര്ണം ഒളിപ്പിച്ചിരുന്നത്. അറസ്റ്റിലായ രണ്ട് ജീവനക്കാരും ഈ ലഗേജ് വിമാനത്താവളത്തിന് പുറത്തെത്തിക്കാന് സഹായിച്ചവരായിരുന്നു. അതേസമയം, ഇവരെ പിടികൂടിയെന്ന് മനസിലായതോടെ അഷ്കര് അലി ലഗേജ് വാങ്ങാന് കാത്തുനില്ക്കാതെ വിമാനത്താവളത്തില്നിന്ന് മുങ്ങി.
ദുബായില്നിന്ന് എത്തിയ അഷ്കര് അലിയുടെ ലഗേജില് ഇന്റര്നാഷണല് ടാഗ് മാറ്റി ഡൊമസ്റ്റിക് ടാഗ് പതിപ്പിച്ചാണ് വിമാന കമ്പനി ജീവനക്കാര് സ്വര്ണക്കടത്തിന് സഹായം നല്കിയിരുന്നത്. ടാഗ് മാറ്റുന്നതോടെ കസ്റ്റംസ് പരിശോധനയില്നിന്ന് ഒഴിവാകും. തുടര്ന്ന് ഈ ലഗേജ് വിമാനത്താവളത്തിന് പുറത്ത് എത്തിച്ച് നല്കുകയായിരുന്നു ജീവനക്കാരുടെ ചുമതല. ഇരുവരും നേരത്തെ പലതവണ ഇത്തരത്തില് സ്വര്ണം കടത്തിയതായാണ് കസ്റ്റംസ് നല്കുന്നവിവരം. ആഴ്ചകള്ക്ക് മുമ്പ് സ്വര്ണക്കടത്തിന് കൂട്ടുനിന്ന കസ്റ്റംസ് സൂപ്രണ്ടും കരിപ്പൂരില് പിടിയിലായിരുന്നു.