തിരുവനന്തപുരം: ആഴക്കടല് മത്സ്യബന്ധനവുമായി ബന്ധപ്പെട്ട് അമേരിക്കന് കമ്പനിയുമായുള്ള ധാരണാപത്രം സര്ക്കാരിന്റെ അറിവോടെയെന്ന് തെളിയിക്കുന്ന നിര്ണായക രേഖകള് പുറത്ത്. ഇംസിസിയുമായുള്ള ചര്ച്ചകളെല്ലാം മുഖ്യമന്ത്രിയുടെ ഓഫീസിന്റെ അറിവോടെയെന്ന് വ്യക്തമാക്കുന്ന രേഖകള് ഒരു സ്വകാര്യ ചാനലാണ് പുറത്തുവിട്ടത്.
കെഎസ്ഐഎന്സിയെയും എംഡി എന്. പ്രശാന്തിനെയും പഴിചാരിയ സര്ക്കാര് നീക്കത്തിന് തിരിച്ചടിയാണ് പുതിയ റിപ്പോര്ട്ടുകള്. കഴിഞ്ഞ ഡിസംബര് മുതല് ഫെബ്രുവരി രണ്ടിന് ധാരണാപത്രം ഒപ്പിടുന്നത് വരെ മുഖ്യമന്ത്രിയുടെ ഓഫീസിന് എല്ലാം അറിയാമിയിരുന്നുവെന്ന് വിവരാവകാശ നിയമത്തില് പറയുന്നു.
മുഖ്യമന്ത്രിയുടെ അഡീഷണല് പ്രൈവറ്റ് സെക്രട്ടറി ദിനേശ് ഭാസ്ക്കര്, അഡീഷണല് ചീഫ് സെക്രട്ടറി ടി.കെ. ജോസ്, ഉള്നാടന് ജലഗതാഗതവകുപ്പ്, വ്യവസായ വകുപ്പ് സെക്രട്ടറിമാര്, മുഖ്യമന്ത്രിയുടെ പേഴ്സണല് സ്റ്റാഫ് അംഗം സുനീഷ്, പ്രസ് സെക്രട്ടറി പി.എം. മനോജ് എന്നിവരുമായി അമേരിക്കന് കമ്പനി വിവിധ ഘട്ടങ്ങളില് ചര്ച്ച നടത്തിയിരുന്നതായി റിപ്പോര്ട്ടില് പറയുന്നു.