പടന്ന: സ്വത്ത് തർക്കവുമായി ബന്ധപ്പെട്ടുണ്ടായ തർക്കത്തിനൊടുവിൽ കുടുംബത്തെ വീട് കയറി ആക്രമിച്ചു. മാവിലാക്കടപ്പുറം പുലിമുട്ട് പരിസരത്തു താമസിക്കുന്ന കെ.സി. നുസ്രത്, ഭർത്താവ് വി. സത്താർ, മാതാവ് കെ.സി. നഫീസത്ത് എന്നിവരെയാണ് വീടുകയറി ആക്രമിച്ചത്.
വീടിന്റെ ആധാരം ചോദിച്ചുവന്ന നുസ്രത്തിന്റെ സഹോദരന്മാരായ റഷീദ്, മുഷ്താഖ് എന്നിവർ ഇരുമ്പുവടി പോലുള്ള മാരകായുധങ്ങൾകൊണ്ട് ആക്രമിച്ചുവെന്നാണ് പരാതി.
വീട്ടുപകരണങ്ങൾ നശിപ്പിച്ചതായും പറയുന്നു. തലക്ക് സാരമായി പരിക്കേറ്റ സത്താർ, നുസ്രത്ത് എന്നിവരെ ചെറുവത്തൂർ കെ.എ.എച്ച് ആശുപത്രിയിൽ പ്രവേശിപ്പിച്ചു. ചന്തേര പൊലീസ് കേസെടുത്ത് അന്വേഷണം ആരംഭിച്ചു.
ബ്രേക്കിംഗ് കേരളയുടെ വാട്സ് അപ്പ് ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക Whatsapp Group
| Telegram Group | Google News