ന്യൂഡല്ഹി: ഡല്ഹി ചലോ മാര്ച്ച് തടയാന് കര്ഷകര്ക്ക് നേരെ പൊലീസ് ജലപീരങ്കിയും കണ്ണീര് വാതകവും പ്രയോഗിച്ചു. ഡല്ഹിയിലെ അഞ്ച് അതിര്ത്തികളും ഹരിയാന സര്ക്കാര് അടച്ചിരിക്കുകയാണ്.
ഡല്ഹി നഗരത്തിലേക്കുള്ള അതിര്ത്തി റോഡുകള് മണ്ണിട്ട് അടച്ചു. നൈനിറ്റാള്-ഡല്ഹി റോഡില് എത്തിയ കര്ഷകര്ക്കു നേരെയും പഞ്ചാബില് നിന്നെത്തിയ കര്ഷകര്ക്ക് നേരെയും അംബാലയില് വച്ച് പൊലീസ് ജലപീരങ്കി പ്രയോഗിച്ചു.
അംബാലയില് കര്ഷകര് പൊലീസ് ബാരിക്കേഡുകള് പുഴയിലേക്ക് എറിഞ്ഞു. മണ്ണിട്ടും കോണ്ക്രീറ്റ് പാളികള്ക്കൊണ്ടും വഴിയടയ്ക്കാനാണ് പൊലീസ് നീക്കം. ഉച്ചയ്ക്ക് രണ്ട് വരെ പ്രദേശത്തേക്കുള്ള എല്ലാ മെട്രോ സര്വീസുകളും റദ്ദാക്കി.
അതിര്ത്തിയില് ഡല്ഹി പൊലീസ്, സിആര്പിഎഫ് ജവാന്മാരെ വിന്യസിച്ചിട്ടുണ്ട്. പ്രതിഷേധക്കാരെ നിരീക്ഷിക്കാന് ഡ്രോണും വിന്യസിച്ചു. അതിര്ത്തിക്ക് സമീപം ശംഭു ബോര്ഡറില് കര്ഷകരും പൊലീസും തമ്മില് നേരിയ സംഘര്ഷമുണ്ടായി.