കൊച്ചി: ലോകമെമ്പാടും കൊറോണ 19 തടയുന്നതിനുള്ള ഭഗീരഥ പ്രയത്നങ്ങള് നടത്തുമ്പോള് സര്ക്കാര് നിയന്ത്രണങ്ങള് ലംഘിച്ച് ബിഗ്ബോസില് നിന്നും പുറത്തായ രജിത്തിനെ സ്വീകരിയ്ക്കുന്നതായി നെടുമ്പാശേരി വിമാനത്താവളത്തില് തടിച്ചുകൂടി ആരാധകര്ക്കെതിരെ കേസെടുത്തു. എറണാകുളം ജില്ലാ കലക്ടര് സുഹാസിന്റേതാണ് നിര്ദ്ദേശം. ഫേസ് ബുക്ക് പോസ്റ്റിലൂടെയാണ് കളക്ടര് ഇക്കാര്യം അറിയിച്ചത്.
കളക്ടറുടെ പോസ്റ്റിന്റെ പൂര്ണരൂപം ഇങ്ങനെ
കേസ് എടുത്തു !
കോവിഡ് 19 പശ്ചാത്തലത്തില് ലോകം മുഴുവന് ജാഗ്രതയില് നില്കുമ്പോള് ഒരു TV ഷോയിലെ മത്സരാര്ഥിയും ഫാന്സ് അസോസിയേഷനും ചേര്ന്ന് കൊച്ചി എയര്പോര്ട്ട് പരിസരത്തു ഇന്നലെ രാത്രി നടത്തിയ പ്രകടനങ്ങള് അക്ഷരാര്ഥത്തില് ഓരോ മലയാളിയെയും നാണിപ്പിക്കുന്നതാണ്. ജാഗ്രതയുടെ ഭാഗമായി മത-രാഷ്ട്രീയ- സാമുദായിക സംഘടനങ്ങള് പോലും എല്ലാ വിധ സംഗം ചേര്ന്ന പ്രവര്ത്തനങ്ങളും ഉപേക്ഷിച്ചു ജനങളുടെ സുരക്ഷക്കായി നിലകൊള്ളുമ്പോള് ഇങ്ങനെയുള്ള നിയമലംഘനങ്ങള്ക്കു മുന്പില് കണ്ണടക്കാന് നിയമപാലകര്ക്കു കഴിയില്ല. പേരറിയാവുന്ന 4 പേരും , കണ്ടാലറിയാവുന്ന മറ്റു 75 പേര്ക്കെതിരെയും നിയമലംഘനത്തിന് കേസ് എടുത്തു .
മനുഷ്യ ജീവനെക്കാളും വില താരാരാധനക്കു കല്പിക്കുന്ന സ്വഭാവം മലയാളിക്കില്ല , ഇങ്ങനെ ചില ആളുകള് നടത്തുന്ന കാര്യങ്ങള് കേരള സമൂഹത്തിനു തന്നെ ലോകത്തിന്റെ മുന്പില് അവമതിപ്പുണ്ടാക്കാന് കാരണമാകും.
#കൊറോണ
#പരിഭ്രാന്തി #അല്ല #ജാഗ്രത #ആണ് #വേണ്ടത് .
#Collector #Ernakulam
https://m.facebook.com/story.php?story_fbid=960063314391492&id=233008147097016&sfnsn=wiwspwa&extid=3XW9YSyDYzwo8W8g