കൊച്ചി:രാജ്യത്തിന്റെ വിവിധ ഭാഗങ്ങളിലെ ആഘോഷങ്ങൾ കൂടി കണക്കിലെടുത്താൽ, വാണിജ്യ ബാങ്കുകൾക്ക് ഈ വരുന്ന ഓഗസ്റ്റ് മാസത്തിൽ 14 ദിവസം അവധിയായിരിക്കും. ഞായറാഴ്ചയും രണ്ടും നാലും ശനിയാഴ്ചകളിലും സാധാരണ അനുവദിച്ചിട്ടുള്ള അവധികളും ഉൾപ്പെടെയുള്ള കണക്കാണിത്. നിലവിൽ മൂന്ന് വിഭാഗങ്ങളിലായാണ് ഭാരതീയ റിസർവ് ബാങ്ക് (RBI) അവധി ദിനങ്ങളെ തരംതിരിച്ചിരിക്കുന്നത്.
നെഗോഷ്യബിൾ ഇൻസ്ട്രുമെന്റ് ആക്ട്, നെഗോഷ്യബിൾ ഇൻസ്ട്രുമെന്റ് ആക്ട് & റിയൽ-ടൈം ഗ്രോസ് സെറ്റിൽമെന്റ് ഹോളിഡേയ്സ്, ബാങ്ക്സ് ക്ലോസിങ് ഓഫ് അക്കൗണ്ട്സ് എന്നിങ്ങനെയുള്ള നിയമങ്ങളുടെ അടിസ്ഥാനത്തിലാണ് ആർബിഐ അവധി ദിനങ്ങൾ അനുവദിച്ചിട്ടുള്ളത്.
ബാങ്ക് അവധി: എല്ലാ സംസ്ഥാനങ്ങളിലേയും ഉൾപ്പെടുത്തിയത്
- ഓഗസ്റ്റ് 8: ടെൻഡങ് ലോ റുംഫാത് – സിക്കിമിൽ ബാങ്ക് അവധി.
- ഓഗസ്റ്റ് 15: സ്വാതന്ത്ര ദിനം – രാജ്യമെമ്പാടും ബാങ്കുകൾക്ക് അവധി
- ഓഗസ്റ്റ് 16: ഷാഹെൻഷാഹി- പാർസി പുതുവർഷം – മുംബൈ, ബേലാപൂർ, നാഗ്പൂർ എന്നിവിടങ്ങളിൽ ബാങ്ക് അവധി
- ഓഗസ്റ്റ് 18: ശ്രീമന്ത ശങ്കരദേവ തിഥി – അസമിൽ ബാങ്ക് അവധി
- ഓഗസ്റ്റ് 28: ഒന്നാം ഓണം – കേരളത്തിൽ ബാങ്ക് അവധി
- ഓഗസ്റ്റ് 29: തിരുവോണം – കേരളത്തിൽ ബാങ്ക് അവധി
- ഓഗസ്റ്റ് 30: രക്ഷാബന്ധൻ – രാജസ്ഥാൻ, ഹിമാചൽ പ്രദേശ് എന്നിവിടങ്ങളിൽ ബാങ്ക് അവധി
- ഓഗസ്റ്റ് 31: രക്ഷാബന്ധൻ/ ശ്രീ നാരായണ ഗുരു ജയന്തി/ ഫാങ് ലബ്സോ – സിക്കിം, കേരള, ഉത്തർ പ്രദേശ്, ഉത്തരാറണ്ഡ് എന്നിവിടങ്ങളിൽ ബാങ്ക് അവധി
വാരാന്ത്യ അവധികൾ
- ഓഗസ്റ്റ് 6: ഞായറാഴ്ച
- ഓഗസ്റ്റ് 12: രണ്ടാം ശനിയാഴ്ച
- ഓഗസ്റ്റ് 13: ഞായറാഴ്ച
- ഓഗസ്റ്റ് 20: ഞായറാഴ്ച
- ഓഗസ്റ്റ് 26: രണ്ടാം ശനിയാഴ്ച
- ഓഗസ്റ്റ് 27: ഞായറാഴ്ച
- സംസ്ഥാനത്ത് പ്രവർത്തിക്കുന്ന ബാങ്കുകൾക്ക് ഓഗസ്റ്റ് മാസത്തിൽ 10 ദിവസം അവധിയായിരിക്കും. നാല് ഞായാറാഴ്ചയും രണ്ടും നാലും ശനിയും കൂടാതെ സ്വാതന്ത്ര്യദിനം (ഓഗസ്റ്റ് 15), ഒന്നാം ഓണം (ഓഗസ്റ്റ് 28), തിരുവോണം (ഓഗസ്റ്റ് 29), ശ്രീ നാരായണ ഗുരു ജയന്തി (ഓഗസ്റ്റ് 31) എന്നിങ്ങനെയാണ് വരുന്നമാസം കേരളത്തിലെ ബാങ്കുകൾക്ക് അവധിയുള്ളത്.
ബ്രേക്കിംഗ് കേരളയുടെ വാട്സ് അപ്പ് ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക Whatsapp Group
| Telegram Group | Google News