അടൂരിൽ പൊലീസിന് നേരെ കയ്യേറ്റം

അടൂർ : അടൂരിൽ കെട്ടിട ഉടമയുടെ പരാതി അന്വേഷിക്കാനെത്തിയ പൊലീസ് ഉദ്യോഗസ്ഥർക്ക് നേരെ അക്രമം. അടൂർ സെൻട്രൽ ടോളിലെ വൈദ്യൻസ് ബിൽഡിംഗിൽ പ്രവർത്തിക്കുന്ന കരിക്കിനേത് സിൽക്‌സ് ജീവനക്കാരാണ് പൊലീസിനെ ആക്രമിച്ചത്. കരിക്കിനേത് സിൽക്സ് പ്രവർത്തിക്കുന്ന കെട്ടിടത്തിന്റെ ഒരു ഭാഗം ഉടമ മറ്റൊരു സ്ഥാപനത്തിന് വാടകയ്ക്ക് നൽകി.

അവർ സ്ഥാപനം തുടങ്ങുന്നതിനായി എത്തിയപ്പോൾ വസ്ത്രശാലയിലെ ജീവനക്കാർ തടസപ്പെടുത്തിയെന്നും ജോലിക്കെത്തിയവരെ ബുദ്ധിമുട്ടിച്ചുവെന്നും ഇതുമായി ബന്ധപ്പെട്ട് തന്നെ ഭീഷണിപ്പെടുത്തുകയും അസഭ്യം പറയുകയും ചെയ്തു എന്നും ആരോപിച്ച് കെട്ടിട ഉടമ ഇന്ന് രാവിലെ അടൂർ പൊലീസിൽ പരാതി നൽകിയിരുന്നു. തുടർന്ന് പൊലീസ് അന്വേഷണത്തിന് സ്ഥലത്തെത്തിയപ്പോഴാണ് സംഘർഷം ഉണ്ടായത്.