കൊച്ചി:മലയാളി യുവ പ്രേക്ഷകർക്കിടയിൽ ഏറെ ആരാധകരെ നേടിയെടുത്ത നായികയാണ് അനു സിതാര. ചെറിയ വേഷങ്ങളിലൂടെയാണ് അനു സിനിമയിൽ എത്തുന്നത്. 2013 ൽ പുറത്ത് ഇറങ്ങിയ പൊട്ടാസ് ബോബാണ് നടിയുടെ ആദ്യത്തെ ചിത്രം .
ഒരു ഇന്ത്യൻ പ്രണയ കഥ, അനാർക്കലി തുടങ്ങിയ സിനിമകളിലും ചെറിയ വേഷങ്ങളിലൂടെ സിതാര എത്തിയിരുന്നു. രമേട്ടന്റെ ഏദൻ തോട്ടം എന്ന ചിത്രത്തിലൂടെയായിരുന്നു കൂടുതലും അനുവിന്റെ അഭിനയം ശ്രദ്ധിക്കപ്പെട്ടത്.ജയസൂര്യ നായകനായ ക്യാപ്ടനിലെ വേഷവും അനുസിതാരയ്ക്ക് കയ്യടി നേടിക്കൊടുത്തു.
ഇപ്പോഴിതാ ഒരു ചാനലിന് നൽകിയ അഭിമുഖത്തിലാണ് നടി വാചാലയാവുന്നത്. ഒരുപാട് സിനിമകൾ വേണ്ടെന്ന് വെച്ചിട്ടില്ലെന്നാണ് അനു പറയുന്നത്. ഇതുവരെ ചെയ്ത എല്ലാ സിനിമകളും ഏറെ ഇഷ്ചപ്പെട്ട് ചെയ്താണെന്നാണ് നടി പറയുന്നത്. സിനിമകൾ തിരഞ്ഞെടുക്കുന്ന കാര്യത്തിൽ സെലക്ടീവ് ആണോ എന്ന ചോദ്യത്തിനാണ് നടിയുടെ മറുപടി.
” ഞാൻ സെലക്ടീവ് ആണോ അല്ലയോ എന്നൊക്കെ ചോദിച്ചാൽ തനിക്ക് അറിയില്ല. എന്നാൽ ഇതുവരെ ചെയ്ത സിനിമകളൊക്കെ വളരെ ആസ്വദിച്ചാണ് ചെയ്തത്. ഒരു സിനിമയും ചെയ്യേണ്ടിയിരുന്നിട്ടില്ല എന്ന് തോന്നിയിട്ടില്ല. കൂടാതെ ഒരുപാട് സിനിമകളൊന്നും വോണ്ടെന്ന് വെച്ചിട്ടില്ല. ചില സിനിമകളുടെ കഥ കേൾക്കുമ്പോൾ എനിക്ക് തന്നെ തോന്നാറുണ്ട്, ഇത് ഞാൻ ചെയ്താൽ ശരിയാകില്ലെന്ന്. ആ കഥാപാത്രങ്ങളെ എനിക്ക് അഭിനയിച്ച് പ്രതിഫലിപ്പിക്കാൻ സാധിക്കില്ല എന്ന് തോന്നുന്നവ. അത്തരം ചില സിനിമകളോട് മാത്രമാണ് നോ പറഞ്ഞിട്ടുള്ളത്.
കുഞ്ചാക്കോ ബോബനോടൊപ്പമുള്ള അനുഭവവും നടി പങ്കുവെയ്ക്കുന്നുണ്ട്. പണ്ടും ഇപ്പോഴും ഒരു വ്യത്യാസമില്ലാത്ത രീതിയിൽ ഇരിക്കുന്ന ആളാണ് ചാക്കോച്ചൻ. അദ്ദേഹത്തിന്റെ സിനിമകളും അദ്ദേഹത്തിന്റെ ക്യാരക്ടറുമൊക്കെ എനിക്ക് വലിയ ഇഷ്ടമാണ്. രാമേട്ടന്റെ ഏദൻ തോട്ടം എന്ന സിനിമയുടെ ഷൂട്ടിംഗിനായി ആദ്യ ദിവസം ചെല്ലുമ്പോൾ എന്റെ മനസ് മുഴുവൻ ചാക്കോച്ചന്റെ നായികയാവുന്നതിലുള്ള സന്തോഷം കൂടിയായിരുന്നു. ചാക്കേച്ചനെ കണ്ട് ഒന്ന് സംസാരിച്ചപ്പോൾ തന്നെ എല്ലാ ടെൻഷനും മാറിയിരുന്നു. അത്രയ്ക്ക് കൂളായ ഒരു ക്യാരക്ടറാണ്. വളരെ സപ്പോർട്ടീവും ഒരു പാവവുമാണെന്നും അനു സിതാര പറയുന്നു
നിമിഷയണ് അനു സിത്താരയുടെ ഏറ്റവും അടുത്ത സുഹൃത്ത്. സിനിമയ്ക്ക് അകത്തും പുറത്തും ഒരുപാട് സൗഹൃദങ്ങളുണ്ടെങ്കിലും ഏറ്റവും അടുത്ത സുഹൃത്ത് നിമിഷയാണെന്നാണ് നടി പറയുന്നത്. ഇരു കുടുംബവുമായും അങ്ങനെ തന്നെയാണ്. നല്ല സൗഹൃദത്തിലാണ്. വീട്ടിൽ വരുകയും നിൽക്കാറുമൊക്കെ ഉണ്ട്.
ജീവിതത്തിൽ നല്ല സൗഹൃദത്തിന് വലിയ പ്രധാന്യ കൊടുക്കുന്ന ഒരാളാണ് താനെന്നും ഓരോ സൗഹൃദം വിലപ്പെട്ടതാണെന്നും അനു സിതാര പറയുന്നു. കുടുംബത്തിനോടൊപ്പം സമയം ചെലവഴിക്കാനാണ് ഏറെ ഇഷ്ടമെന്നും താരം പറയുന്നു. സിനിമകൾ കാണുന്നതും ഏറെ ഇഷ്ടമുള്ള കാര്യമാണെന്നും നടിപറയുന്നു. ചെറിയ യാത്രകളെ കുറിച്ചുള്ള ഇഷ്ടത്തെ കുറിച്ചും ആണ് സിതാര പറഞ്ഞു.
