കൊച്ചി:കഴിഞ്ഞ ദിവസം ആത്മഹത്യ ചെയ്ത ട്രാൻസ്ജണ്ടർ ആക്ടിവിസ്റ്റ് അനന്യ കുമാരി അലക്സിൻ്റെ പങ്കാളി ജിജു ഗിരിജാ രാജിനെയും മരിച്ച നിലയിൽ കണ്ടെത്തി. വൈറ്റിലയിലെ സുഹൃത്തിൻ്റെ വീട്ടിൽ തൂങ്ങി മരിച്ച നിലയിലായിരുന്നു.ഇന്ന് ഉച്ചയോടെയാണ് മരണവിവരം പുറത്തറിയുന്നത്. അനന്യയുടെ വിയോഗത്തില് മനംനൊന്ത് ആത്മഹത്യയെന്നാണ് വിവരം. അനന്യയുടെ സംസ്ക്കാരം നടന്ന ശേഷം ഒരു സുഹൃത്തിന്റെ വസതിയിലായിരുന്നു. അവിടെ വച്ചാണ് മരണം ഉണ്ടായത്.
തിരുവനന്തപുരം സ്വദേശയായ ജിജു കുറേക്കാലമായി അനന്യയുടെ പാര്ട്ണര് ആയിരുന്നു. കൊച്ചിയിലെ ഫ്ളാറ്റിലാണ് ഇവര് ഒരുമിച്ച് താമസിച്ചിരുന്നത് എന്നറിയുന്നു. അനന്യയുടെ മരണം ഏല്പ്പിച്ച ഷോക്കാണ് ജിജുവിനെയും മരണത്തിലേക്ക് നയിച്ചതെന്ന് സുഹൃത്തുക്കള് പറയുന്നു.
ട്രാന്സ്ജണ്ടര് ആക്ടിവിസ്റ്റ് അനന്യയെ ചൊവ്വാഴ്ചയാണ് മരിച്ച നിലയില് കണ്ടെത്തിയത്. കൊച്ചിയിലെ ലുലുമാളിന് സമീപമുള്ള ഫ്ളാറ്റില് തൂങ്ങി മരിച്ച നിലയിലാണ് മൃതദേഹം കണ്ടെത്തിയത്. റേഡിയോ ജോക്കി, അവതാരക എന്നീ നിലകളില് പ്രശസ്തയായിരുന്നു അനന്യ. മരണത്തില് ദുരൂഹതയുണ്ടെന്നാണ് അറിയാന് കഴിയുന്നത്. പോസ്റ്റ് മോര്ട്ടത്തില് തൂങ്ങിമരണമാണെന്ന് തെളിഞ്ഞു. അനന്യയുടെ മരണത്തിലേയ്ക്കു നയിച്ച കാരണങ്ങളെ പറ്റി സര്ക്കാര് ്നന്വേഷണം പ്രഖ്യാപിച്ചിട്ടുണ്ട്.
അതേസമയം ട്രാന്സ്ജെന്ഡര് അനന്യ കുമാരി അലക്സിന്റെ (28) മരണവുമായി ബന്ധപ്പെട്ട വിഷയത്തില് അടിയന്തര അന്വേഷണം നടത്താന് ആരോഗ്യ വകുപ്പ് ഡയറക്ടര്ക്ക് ആരോഗ്യ വകുപ്പ് മന്ത്രി വീണാ ജോര്ജ് നിര്ദേശം നല്കിയിട്ടുണ്ട്. ഇതുസംബന്ധിച്ച് ട്രാന്സ്ജെന്ഡര് സംഘടനയും പരാതി നല്കിയിരുന്നു. ലിംഗമാറ്റ ശസ്ത്രക്രിയകളുമായി ബന്ധപ്പെട്ടുള്ള വിഷയങ്ങളെപ്പറ്റി പഠിക്കാന് വിദഗ്ധ സമിതി രൂപീകരിക്കുമെന്നും മന്ത്രി അറിയിച്ചു.
സംസ്ഥാനത്തെ ആദ്യ ട്രാന്സ്ജണ്ടര് സ്ഥാനാര്ത്ഥിയെന്ന വിശേഷണത്തോടെ കഴിഞ്ഞ നിയമസഭാ തെരഞ്ഞെടുപ്പില് വേങ്ങരയില് നിന്നും മത്സരിയ്ക്കാന് പ്രചാരണമടക്കമാരംഭിച്ചിരുന്നു. എന്നാല് ടിക്കറ്റ് നല്കിയ ഡി.എസ്.ജി.പിയുമായുള്ള അഭിപ്രായഭിന്നതകളേത്തുടര്ന്ന് മത്സരരംഗത്തുനിന്നും പിന്മാറിയിരുന്നു. മരണകാരണം വ്യക്തമായിട്ടില്ല. ആത്മഹത്യയെന്നാണ് പ്രാഥമിക നിഗമനം.