മദ്യപാനത്തിലൂടെ ലിവര്‍ അടിച്ചപോയോ?കറുത്തുപോയ മുഖത്തിന് പിന്നിലെ സത്യം വെളിപ്പെടുത്തി നടൻ ആദിത്യൻ ജയൻ

തിരുവനന്തപുരം: മിനിസ്ക്രീൻ പ്രേക്ഷകരുടെ പ്രിയതാരമായ ആദിത്യൻ ജയന്റേതായി അടുത്തിടെ പുറത്തുവന്ന ഒരു പോഡ്കാസ്റ്റ് അഭിമുഖത്തിന് പിന്നാലെ സോഷ്യൽ മീഡിയയിൽ നടനെതിരെ വൻ രീതിയിലുള്ള വ്യാജപ്രചാരണങ്ങളാണ് ഉയർന്നത്. സീരിയൽ നടി സ്നേഹ അതിഥിയായെത്തിയ പോഡ്കാസ്റ്റിൽ അവതാരകനായിട്ടായിരുന്നു ആദിത്യൻ എത്തിയത്. എന്നാൽ ഈ വീഡിയോയിൽ നടന്റെ മുഖം മുൻപത്തേതിൽ നിന്നും വ്യത്യസ്തമായി വല്ലാതെ കറുത്ത് കരുവാളിച്ച അവസ്ഥയിലായിരുന്നു. ഇത് കണ്ടതോടെ ‘ആദിത്യൻ കടുത്ത മദ്യപാനിയാണെന്നും, ലിവർ (കരൾ) രോഗം ബാധിച്ചാണ് മുഖം ഇങ്ങനെയായത്’ എന്നുമുള്ള രീതിയിൽ കടുത്ത ശാപവാക്കുകളോടെയുള്ള പോസ്റ്റുകളും കമന്റുകളും വ്യാപകമായി പ്രചരിച്ചു. ഇപ്പോഴിതാ തനിക്കെതിരെ നടക്കുന്ന ഈ ക്രൂരമായ സൈബർ ആക്രമണങ്ങൾക്ക് ശക്തമായ ഭാഷയിൽ മറുപടി നൽകി രംഗത്തെത്തിയിരിക്കുകയാണ് താരം.

തനിക്ക് യാതൊരുവിധ കരൾ രോഗവുമില്ലെന്നും മദ്യപാനി അല്ലെന്നും വ്യക്തമാക്കിയ ആദിത്യൻ, തന്റെ മുഖത്തിന് സംഭവിച്ച യഥാർത്ഥ മാറ്റത്തിന് പിന്നിലെ ആരോഗ്യപ്രശ്നങ്ങളെക്കുറിച്ച് ഫേസ്ബുക്കിൽ പങ്കുവെച്ച ദീർഘമായ കുറിപ്പിലൂടെയാണ് വെളിപ്പെടുത്തിയത്.

ആദിത്യൻ ജയന്റെ വാക്കുകൾ ഇങ്ങനെ

രണ്ടു ദിവസം മുന്നേ ഞാൻ ചെയ്ത ഒരു ഇന്റർവ്യൂ ടെലികാസ്റ് ചെയ്തിരുന്നു. സീരിയൽ നടി സ്നേഹ ആയിരുന്നു അതിഥി. ആ വീഡിയോയുടെ അടിയിൽ നിരവധി കമെന്റ് വന്നു. കൂടുതലും വന്നത് എന്റെ മുഖം കറുത്ത് എന്റെ ലിവർ പോയി, പിന്നെ കുറെ ശാപവാക്കുകളും. ഇത് കണ്ടു കുറെ അധികം ആളുകൾ എന്നെ വിളിച്ചും msg അയച്ചും ചോദിച്ചു എന്തുപറ്റി എന്ന്. കാരണം ഞാൻ അങ്ങനെ മദ്യപിക്കില്ല എന്ന് എന്റെ സുഹൃത്തുക്കൾക്കു നന്നയി അറിയാം. മദ്യപാനം ഒരു മോശം ശീലമൊന്നുമല്ല മദ്യം നമ്മളെ കഴിക്കാത്തടത്തോളം കാലം ok.

ഇനി കാര്യം പറയാം

കുറെ കാലമായി എനിക്ക് എതിരെ പലതും വരും ഞാൻ ശ്രദ്ധിക്കാറില്ല. പറയുന്നവർ പറയട്ടെ എന്ന് കരുതി മിണ്ടാതെ പോകുന്നു. എന്റെ മുഖത്തു സംഭവിച്ചത് 2 കൊല്ലം മുന്നേ ഒരു മേക്കപ്പ് അലര്‍ജി ഉണ്ടായി. അത് എന്റെ ഒപ്പം വർക്ക്‌ ചെയ്തവർക്കു എല്ലാം അറിയാം. അതൊന്നു മാറി വരുമ്പോൾ 8 മാസം മുന്നേ എറണാകുളത്തു ഉള്ള എന്റെ ഒരു സുഹൃത്തിന്റെ ബ്യൂട്ടിപാർലറിൽ വെച്ച് എന്റെ മീശ താടി ഡൈ ചെയ്യുന്ന ടൈമിൽ അവിടുത്തെ സ്റ്റാഫിന് പറ്റിയ ഒരു അബദ്ധം എന്റെ മുഖത്തു ഒരു അലര്‍ജി വന്നു. ഇതിലും മോശം അവസ്ഥയിൽ ആയിരുന്നു അന്ന്. കുറെ അധികം ബുദ്ധിമുട്ടുകൾ ഉണ്ടായി പല ഡോക്ടർസ് ട്രീറ്റ്മെന്റ് നടത്തി. ഒന്നും അങ്ങോട്ടു ശരിയായില്ല. പക്ഷെ ഷിപ്യാർഡിൽ ഭാഗത്തു ഉള്ള വളരെ പ്രശസ്തനായ ഡോക്ടര്‍ സോണി വർക്കി സാറിന്റെ ട്രീറ്റ്മെന്‍റില്‍ എനിക്ക് നല്ല മാറ്റം ഉണ്ടായി. നല്ല ചൊറിച്ചൽ പൊള്ളൽ ഒക്കെ ആയിട്ടാണ് ഞാൻ സാറിന്റെ മുന്നിൽ ചെന്നതും. ആ വലിയ മനുഷ്യന്റെ കൈപുണ്യം കൊണ്ട് കുറെ അധികം ഭേദമായി. ഇപ്പോൾ നല്ല മാറ്റം ഉണ്ടായി. നിങ്ങൾക്കു അന്വേഷിക്കാം. സാറിന്റെ ഫോട്ടോ ഇതിന്റെ ഒപ്പം വയ്ക്കുന്നു.

പക്ഷെ അടുത്ത കാലത്തു കുറച്ചു അധികം വെയിൽ കൊള്ളുകയും സൈനെസ്സ് ഇൻഫെക്ഷൻ ഉണ്ടായപ്പോൾ മുഖത്തു അല്പം നീരും വന്നു. ok അതാണ് എനിക്ക് സംഭവിച്ചത്. ഇനി ഒരാളുടെ മുഖം കറുത്തൽ മുടി കൊഴിഞ്ഞാൽ അത് ഈശ്വരന്റെ ശിക്ഷ ആണെന്നും അല്ലേൽ കാൻസർ ആണ് ലിവർ പോയി എന്ന് പറയുന്നത് മോശമല്ലേ. ഈ വാർത്ത ഇടുന്നവർക്കു ഒന്ന് എന്നോട് ചോദിക്കാമല്ലോ സുഹൃത്തുക്കളെ,

ഒരാൾക്ക് ഒരു ആപത്തു വന്നാൽ അയ്യോ ഈശ്വര എന്ന് വിളിക്കുന്നവരാണ് നമ്മൾ മലയാളികൾ നല്ല മനുഷ്യർ. പിന്നെ 5 കുടുംബം മാറി 2 ആക്കി ഇളവ് തന്നവർക്കു നന്ദി. ഇവിടെ 4 കല്യാണം കഴിക്കുന്നവർ ഇന്നും മണ്ഡപം ബുക്ക്‌ ചെയ്തു ആട്ടവും പാട്ടുമായി യൂട്യൂബ്ഴ്സിനെ വിളിച്ചു വരുത്തി അടിച്ചു പൊളിക്കുന്നു. ആഘോഷിക്കുന്നു. 60 വയസ്സിലും പ്രണയിക്കുന്നവർ ഉള്ളകാലത്തു ഞാൻ എന്റെ കാര്യം നോക്കി ജീവിക്കുവാണ് ഒരു പരാതിയുമില്ലാതെ. ഞാൻ ഒരു വർക്ക്‌ ചെയ്താൽ ഞാൻ ഒരാളോട് മിണ്ടിയാൽ ഒരു ഫോട്ടോ ഇട്ടാൽ ഉടൻ വന്നു പഴയ കഥകൾ പറയുന്നു. എന്തിനു? അത് കഴിഞ്ഞു. അവർ അവരുടെ വഴിക്കു ജീവിക്കുന്നു.

ഞാൻ എന്റെ വഴിക്കും. പിന്നെ ഞാൻ ആരുടെയും ആദ്യ ഭർത്താവ് ഒന്നുമല്ല. ആരുടെയും ആദ്യ കുട്ടിയുടെ അച്ഛനുമല്ല. അതൊക്കെ ഓർത്തു വേണം എന്നെ ഇങ്ങനെ ഉപദ്രവിക്കാൻ. എന്റെ കുട്ടിയെ ഞാൻ നോക്കുന്നില്ല എന്ന് പറയുന്നവരോട് ഞാൻ ഒപ്പം ഉള്ളപ്പോ രണ്ടു കുട്ടികളെയും അതായതു എന്റെ മോനെയും വേറെ ഒരാളുടെ കുഞ്ഞിനേയും നന്നയി നോക്കിയ ഒരാളാണ്. ഇന്ന് ഞാൻ മാറി നിൽക്കുമ്പോഴും ഞാൻ എന്നെ കൊണ്ട് ആവും വിധം എന്റെ കുഞ്ഞിനെ വേണ്ടത് ചെയ്യുന്നു. അത് പറയേണ്ടത് ആ കുഞ്ഞിന്റെ അമ്മയാണ്. ആർക്കെങ്കിലും അറിയണമെങ്കിൽ ചവറ കോടതിയിൽ ചെന്നാൽ അറിയാം. വായിൽ തോന്നുന്നത് പറയരുത് ആരും.

പിന്നെ എന്റെ ഈ അവസ്ഥ ഇൻഡസ്ടറിയില്‍ ഉള്ളവർക്കു അറിയാം. ഈ അവസ്ഥയിൽ 5 സീരിയൽ ഞാൻ ചെയ്തു. ഇന്ന് സീരിയൽ ഇൻഡസ്ട്രിയില്‍ ഏറ്റവും തിരക്കുള്ള ഡയറക്ടർ ഷിജു അരൂർ സംവിധാനം ചെയ്യുന്ന സീരിയലിൽ ഞാൻ ഏറ്റവും പ്രധാനപെട്ട വേഷം ചെയ്യുന്നു. ഈശ്വരൻ അനുഗ്രഹിച്ചാൽ അത് ഉടൻ ടെലികാസ്റ് ചെയ്യും. സിത്താര എന്നാണ് പേര്. കിടക്കട്ടെ ഒരു പരസ്യം.

ഞാൻ ഒരു ജോലി ചെയ്യാൻ സമ്മതിക്കു. ആരോടും പരാതി ഇല്ല. ആരോടും ദേഷ്യമില്ല. എനിക്ക് ജീവിക്കണ്ടേ. ഞാൻ ഒന്ന് ജോലി ചെയ്യട്ടെ. ഈ പോസ്റ്റ്‌ ഞാൻ ഇടാൻ കാരണം ചിലർ വിചാരിക്കും ഇനി ഇവന്റെ കരൾ വല്ലതും പോയോ എന്ന്. ചിലർ എന്നെ വിളിച്ചു സംസാരിച്ചു. സന്തോഷം തോന്നി. മെസ്സേജ് അയിച്ചു സന്തോഷം തോന്നി. ഓരോ ദിവസവും എങ്ങനെ മുന്നോട്ടു പോകും എന്ന് ചിന്തിക്കുവാണ്. അതിന്റെ ഇടയിൽ എങ്ങനെ ഇവന് ഇട്ടു പണി കൊടുക്കാമെന്നു ചിന്തിക്കുന്നവർ വേറെയും. ദയവു ചെയ്തു ഉപദ്രവിക്കാതെ വിടൂ എന്നെ. പിന്നെ ഒരു സന്തോഷം ഞാൻ ഏറ്റവും സഹായിച്ചവരും സ്നേഹിച്ചവരും എന്നെ ഓർക്കുന്നില്ല. എന്നെ ചീത്ത വിളിക്കാൻ എങ്കിലും കുറച്ചു അധികം ആളുകൾ ഓർക്കുന്നല്ലോ.

പിന്നെ ഇനി എന്നോട് സ്നേഹം ഉണ്ടെന്ന് കാണിക്കാൻ ചിലർ എന്നെ അറിയാത്തവർ അല്ല. എന്നെ നന്നയി അറിയുന്നവർ എന്റെ ഈ അവസ്ഥ എന്ത് കൊണ്ട് ഉണ്ടായി എന്ന് അറിയുന്നവർ. കാണുന്ന ലിങ്കുകൾ ആയക്കുന്നുണ്ട്. വേണ്ട കേട്ടല്ലോ അത് സ്നേഹം കൊണ്ടല്ല എന്ന് നന്നയി എനിക്ക് അറിയാം. അങ്ങനെ സ്നേഹം ഉണ്ടായിരുന്നു എങ്കിൽ അവർക്കു കമന്റ്‌ ചെയ്യാം. ഞങ്ങൾക്ക് അറിയാം ഇതായിരുന്നു കാരണം. അത് പറയാത്ത ഒരു വ്യക്തികളും വിളിക്കണ്ട പ്രതേകിച്ചു ചില താരങ്ങൾ വേണ്ട കേട്ടോ.

പിന്നെ മുറിഞ്ഞവനെ അറിയൂ മുറിവിന്റെ വേദന. അത് എഴുതി വിടുന്നവന് അറിയില്ല. നിങ്ങൾ ഉണ്ടാക്കുന്ന കഥകളിൽ എന്നെ കഥാപാത്രം ആക്കരുത്. എന്റെ ഓരോ നഷ്ടവും നിങ്ങൾ വാർത്ത ചെയ്യുന്നവർക്കും ലാഭം ആയിരുന്നു. പിന്നെ ഇപ്പോഴും എന്റെ ചങ്കിന് ഒരു കുഴപ്പവുമില്ല. അതിനു ഇപ്പോഴും നല്ല ഉറപ്പാണ്. പിന്നെ ഇത് കുറെ ആളുകൾ കോണ്ടെന്റ് ആക്കും. വിരോധമില്ല. കുറെ അധികം കമന്റ്‌ ചെയ്യും വിരോധമില്ല. വായിൽ തോന്നുന്നത് എല്ലാം പറയും. എനിക്ക് പരാതിയുമില്ല. എന്റെ ശരീരത്ത് ഏൽക്കാത്ത ഒന്നും ഇപ്പോൾ പ്രതികരിക്കാറില്ല. pls കുറെ ശിക്ഷിച്ചില്ലേ ജീവിച്ചോട്ടെ അപേക്ഷയാണ്.

English Summary

Serial actor Adithyan Jayan has hit out at cyber bullies and online media outlets claiming he is suffering from liver damage due to alcoholism. Clarifying the reason behind his darkened and swollen face in a recent podcast, Adithyan revealed it was caused by a severe hair-dye allergy at a beauty parlour eight months ago, combined with a recent sinus infection and sun exposure. He stated that he underwent successful treatment under Dr. Sony Varkey. Adithyan also warned people against dragging his personal life and past marriages into controversies, stating that he is legally taking care of his child. He requested trolls to leave him alone and let him work, announcing his upcoming prominent role in the upcoming serial ‘Sithara’ directed by Shiju Aroor.