ചെന്നൈ:മലയാള സൂപ്പർതാരങ്ങളായ മമ്മൂട്ടിക്കും മോഹൻലാലിനും ഒപ്പം നായികയായി നിരവധി സിനിമകളിൽ അഭിനയിച്ചതിന് മലയാളം പ്രേക്ഷകർക്കിടയിൽ വളരെയധികം പ്രശസ്തി നേടിയ പ്രശസ്ത തെന്നിന്ത്യൻ നടിയാണ് റായ് ലക്ഷ്മി എന്ന ലക്ഷ്മി റായ്. തന്റെ അസാമാന്യമായ അഭിനയ മികവ് കൊണ്ട് ഇന്ത്യയിലെ ഒട്ടുമിക്ക ഭാഷകളിലെ വിവിധ സിനിമകളിൽ നിരവധി വേഷങ്ങൾ ചെയ്യുന്നതിനും ധാരാളം അംഗീകാരങ്ങൾ നേടി തന്റെ ജൈത്രയായത്ര തുടരുകയാണ് താരം.
തെന്നിന്ത്യൻ സിനിമയിലെ വിജയകരമായ കരിയറിന് പുറമെ ബോളിവുഡിലും ലക്ഷ്മി റായ് വ്യക്തിമുദ്ര പതിപ്പിച്ചിട്ടുണ്ട്. എന്നിരുന്നാലും, അടുത്തിടെ ഒരു മാധ്യമത്തിന് നൽകിയ അഭിമുഖത്തിൽ, സിനിമാ മേഖലയിൽ കാസ്റ്റിംഗ് കൗച്ചുകൾ ഉണ്ടെന്നും അതിന്റെ ഭീകര മുഖത്തെ കുറിച്ചും നടി തുറന്നുപറഞ്ഞു, എന്നിരുന്നാലും സമീപകാലത്ത് അത്തരം സംഭവങ്ങളിൽ ഗണ്യമായ കുറവുണ്ടെന്ന് അവൾ സമ്മതിച്ചു.
തന്റെ അടുത്ത ഒരു മോഡൽ സുഹൃത്തിനു ഒരു ഓഡിഷനിൽ പങ്കെടുത്തപ്പോൾ നേരിട്ട ചൂഷണം അറിഞ്ഞു താൻ ഞെട്ടിയതുമായ ഒരു സംഭവം അവൾ വിവരിച്ചു. അവളുടെ സുഹൃത്തിനോട് ആദ്യ ഓഡിഷന് എത്തിയപ്പോൾ അവിടെയുള്ള ആളുകൾ ആവശ്യപ്പെട്ടത് സ്വയംഭോഗ രംഗം അഭിനയിക്കുന്നതിനും ആ രംഗം ചെയ്യുമ്പോൽ ഉള്ള ശബ്ദം പുറപ്പെടുവിക്കാനുമാണ്. ഇത് തന്റെ സുഹൃത്തിനെ വല്ലതെ തളർത്തി ലക്ഷ്മി പറയുന്നു.
അതോടൊപ്പം വസ്ത്രങ്ങളുടെ കൃത്യമായ അളവെടുക്കാൻ അവളുടെ അടിവസ്ത്രം പോലും അഴിച്ചു മാറ്റാൻ ശ്രമിക്കുകയും ചെയ്തു എന്നും അടിവസ്ത്രത്തിൽ നില്ക്കാൻ ആവശ്യപ്പെടുകയും ചെയ്തു എന്നും ലക്ഷ്മി പറയുന്നു. ഈ അനുഭവം അവളുടെ സുഹൃത്തിനെ മാനസികമായി തളർത്തുകയും ഒരു നടിയാകാനുള്ള അവളുടെ സ്വപ്നം അവൾ ഉപേക്ഷിക്കുകയും ചെയ്തു എന്ന് ലക്ഷ്മി റായ് പറയുന്നു .
പുതിയ നടിമാർ ബിക്കിനി മാത്രം ധരിച്ച് സ്റ്റുഡിയോകളിൽ നിൽക്കേനടി വരുന്ന നിരവധി സംഭവങ്ങൾ ഉണ്ടെന്നും അല്ലെങ്കിൽ മോശമായി അടിവസ്ത്രങ്ങൾ ധരിച്ച് റാംപിൽ നടക്കാൻ നിർബന്ധിതരാണെന്നും ലക്ഷ്മി റായ് കൂട്ടിച്ചേർത്തു. ഈ ഭയാനകമായ രീതി ബോളിവുഡിലെ ഒരു പ്രധാന വിഭാഗത്തിന്റെ സ്ഥിരം പരിപാടിയാണ് എന്ന് ലക്ഷ്മി റായ് പറയുന്നു.
ബോളിവുഡിൽ എത്തപ്പെടുന്ന പുതിയ നടിമാർക്ക് സംവിധായകന്റെ അടുത്തെത്തുന്നതിന് മുമ്പ് പല വ്യക്തികളെയും കാണേണ്ടിവരുമെന്നും ഇവരിൽ ചിലർക്ക് സിനിമയുടെ നിർമ്മാണവുമായി യാതൊരു ബന്ധമില്ലെന്നും അവർ പറഞ്ഞു. ഇത്തരം മോശം പെരുമാറ്റങ്ങളെക്കുറിച്ച് സംവിധായകൻ പലപ്പോഴും അറിയില്ലെന്നും ലക്ഷ്മി വ്യക്തമാക്കി.
ലക്ഷ്മി റായിയുടെ അഭിപ്രായങ്ങൾ സിനിമാ വ്യവസായത്തിന്റെ ഇരുണ്ട വശങ്ങളിലേക്ക് വെളിച്ചം വീശുകയും അഭിനേത്രികൾക്ക് സുരക്ഷിതവും സുതാര്യവുമായ തൊഴിൽ അന്തരീക്ഷത്തിന്റെ ആവശ്യകതയെ അടിവരയിടുകയും ചെയ്യുന്നു.