കൊച്ചി: നടിയെ ആക്രമിച്ച കേസില് കുറ്റക്കാരെന്ന് കണ്ടെത്തിയ പ്രതികളുടെ ശിക്ഷാ വിധി വൈകും. കേസ് എടുത്തിരുന്നുവെങ്കിലും മറ്റ് കേസുകള് പരിഗണിച്ചശേഷം ശിക്ഷയില് വാദം കേള്ക്കാം എന്ന നിലപാടാണ് എറണാകുളം സെഷന്സ് കോടതി കൈക്കൊണ്ടത്. ആറുപ്രതികളേയും കോടതിയില് ഹാജരാക്കിയിരുന്നു. ഇന്നുതന്നെ കേസ് പരിഗണിക്കും എന്നാണ് വിവരം.പരമാവധി കുറച്ച് നല്കണമെന്ന് പ്രതികള് കോടതിയോട് ആവശ്യപ്പെട്ടു
കൂട്ടബലാത്സംഗം അടക്കം തെളിയിക്കപ്പെട്ടിട്ടുള്ള കേസില് ശിക്ഷാവിധിയിന്മേലുള്ള വാദമാണ് ഇനി നടക്കുക. പ്രതികള്ക്ക് പരാമധി ശിക്ഷ നല്കണം എന്നാണ് പ്രോസിക്യൂഷന്റെ വാദം. ശിക്ഷയില് ഇളവ് നല്കണം എന്നതാവും പ്രതിഭാഗത്തിന്റെ വാദം. ഇരുപക്ഷത്തിന്റെയും വാദം കേട്ടശേഷമായിരിക്കും കോടതി ശിക്ഷാവിധി സംബന്ധിച്ച വിധി പറയുക.
വാദം ഉച്ചയ്ക്ക് ശേഷം ഉണ്ടാകുമെന്നാണ് വിവരം. അതേസമയം, വിധി പറയുന്നത് നാളത്തേക്ക് മാറ്റിവെക്കുമോ എന്നും സംശയമുണ്ട്. ഒന്നുമുതല് ആറുവരെ പ്രതികളായ എന്.എസ്. സുനില് (പള്സര് സുനി), മാര്ട്ടിന് ആന്റണി, ബി. മണികണ്ഠന്, വി.പി. വിജീഷ്, എച്ച്. സലിം (വടിവാള് സലിം), പ്രദീപ് എന്നിവരാണ് കേസില് കുറ്റക്കാരാണെന്ന് കണ്ടെത്തിയത്.