കോട്ടയം: നഗരമധ്യത്തിൽ വൺവേ തെറ്റിച്ചെത്തിയ കെഎസ്ആർടിസി മിന്നൽ ബസിടിച്ച് ബൈക്ക് യാത്രക്കാരനായ യുവാവിനു ദാരുണാന്ത്യം.
ചങ്ങനാശേരി മോർക്കുളങ്ങര പുതുപ്പറമ്പിൽ അഭിഷേക് (ശ്രീഹരി -20) ആണ് മരിച്ചത്. ഒപ്പമുണ്ടായിരുന്ന കാരാപ്പുഴ കൊല്ലമ്പറമ്പിൽ ആരോമലിനെ (21) പരുക്കുകളോടെ കോട്ടയം മെഡിക്കൽ കോളജ് ആശുപത്രിയിൽ പ്രവേശിപ്പിച്ചു.
വെള്ളിയാഴ്ച പുലർച്ചെ രണ്ടരയോടെ കോഴിച്ചന്ത റോഡിലായിരുന്നു അപകടം. സ്റ്റാൻഡിൽ എത്തിയ കെഎസ്ആർടിസിയുടെ മിന്നൽ ബസ് വൺവേ തെറ്റിച്ച് കോഴിച്ചന്ത ഭാഗത്തു കൂടി തിരികെ പോകുകയായിരുന്നു. ഈ സമയം എതിർ ദിശയിലൂടെ എത്തിയ ബൈക്കും ബസും തമ്മിൽ കോഴിച്ചന്ത റോഡിൽ പുളിമൂട് ജംഗ്ഷൻ ചേരുന്ന ഭാഗത്തു വച്ച് കൂട്ടിയിടിക്കുകയായിരുന്നു.
ഇടിയുടെ ആഘാതത്തിൽ റോഡിൽ വീണ് കിടന്ന രണ്ടു പേരെയും നാട്ടുകാരും ഓട്ടോ ഡ്രൈവർമാരും ചേർന്നാണ് ആശുപത്രിയിൽ എത്തിച്ചത്.
ബ്രേക്കിംഗ് കേരളയുടെ വാട്സ് അപ്പ് ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക Whatsapp Group
| Telegram Group | Google News