ഇസ്ലാമാബാദ്: സ്വകാര്യദൃശ്യം ചോർന്നതിന് പിന്നാലെ സോഷ്യൽ മീഡിയയിൽ ട്രെൻഡിംഗ് ടിക് ടോക് താരം. പാകിസ്താൻ സ്വദേശിനിയായ മിനാഹിൽ മാലിക് ആണ് ട്രൻഡിംഗ് ലിസ്റ്റിൽ ഇടം നേടിയത്. സ്വകാര്യദൃശ്യങ്ങൾ സോഷ്യൽ മീഡിയയിൽ വലിയ ചർച്ചയ്ക്ക് വഴിവെച്ചതോടെയാണ് ഇത്.
കഴിഞ്ഞ ദിവസമാണ് താരത്തിന്റെ സ്വകാര്യ ദൃശ്യങ്ങൾ സോഷ്യൽ മീഡിയയിലൂടെ പുറത്തായത്. ഒരു വ്യക്തിയുമായുള്ള ചില വീഡിയോ ക്ലിപ്പുകൾ ആയിരുന്നു പ്രചരിച്ചത്. ഇതിന് പിന്നാലെ ഈ ദൃശ്യങ്ങൾ സോഷ്യൽ മീഡിയയിൽ വലിയ രീതിയിൽ പ്രചരിക്കുകയായിരുന്നു. പിന്നാലെ ഇത് സംബന്ധിച്ച ചർച്ചകളും ആരംഭിച്ചു. താരത്തിനെതിരെ വലിയ രീതിയിലുള്ള പരിഹാസം ആണ് ഉയരുന്നത്. ഇതോടൊപ്പം ഭീഷണിയും ഉണ്ട്. അതേസമയം വീഡിയോ വ്യാജമാണെന്ന് വ്യക്തമാക്കി നിരവധി പേരും രംഗത്തുവന്നിട്ടുണ്ട്.
വീഡിയോ വ്യാപകമായി പ്രചരിച്ചതോടെ പ്രതികരണവുമായി മിനാഹിൽ മാലിക് രംഗത്ത് എത്തി. വീഡിയോ വ്യാജമാണെന്നും, തന്റെ ചിത്രം ഉപയോഗിച്ച മോർഫ് ചെയ്ത രംഗങ്ങളാണ് പ്രചരിക്കുന്നതെന്നും നടി പറഞ്ഞു. സംഭവത്തിൽ പരാതിപ്പെട്ടിട്ടുണ്ടെന്നും ദയവായി വീഡിയോ റിപ്പോർട്ട് ചെയ്യണമെന്നും താരം അഭ്യർത്ഥിച്ചിട്ടുണ്ട്.
സ്ത്രീയെ ബഹുമാനിക്കാത്ത അമ്മയും സഹോദരിയും ഇല്ലാത്ത ആരോ ആണ് ഇതിന് പിന്നിൽ. സംഭവത്തിന്റെ സത്യം എന്താണെന്ന് എനിക്ക് അറിയാം. പിന്നെ ദൈവത്തിനും. ഈ നിമിഷം അതിജീവിക്കാൻ എല്ലാവരുടെയും പിന്തുണ വേണം എന്നും താരം വ്യക്തമാക്കി.
