എറണാകുളം ജില്ലയിൽ റെഡ് അലർട്ട് നിലനിൽക്കുന്ന സാഹചര്യത്തിൽ ജില്ലയിലെ പ്രൊഫഷണൽ കോളേജുകൾ ഉൾപ്പെടെയുള്ള വിദ്യാഭ്യാസ സ്ഥാപനങ്ങൾക്ക് 2022 ഓഗസ്റ്റ് 03 ബുധനാഴ്ച്ച അവധി ആയിരിക്കുമെന്ന് എറണാകുളം .കളക്ടർ, ഡോ. രേണുരാജ് അറിയിച്ചു.
മഴ മുന്നറിയിപ്പിന്റെ പശ്ചാത്തലത്തിൽ ആലപ്പുഴ ജില്ലയിലെ പ്രൊഫഷണൽ കോളേജുകളും അംഗൻവാടികളും ഉൾപ്പെടെയുള്ള വിദ്യാഭ്യാസ സ്ഥാപനങ്ങൾക്ക് നാളെയും (03/08/2022) അവധി പ്രഖ്യാപിച്ചു.
മഴ ശക്തമായ സാഹചര്യത്തില്‍ ഉദ്യോഗസ്ഥര്‍ അടുത്ത അഞ്ചു ദിവസം ജില്ല വിട്ടു പോകരുതെന്ന് പത്തനംതിട്ട ജില്ലാ കളക്ടര്‍ ഡോ. ദിവ്യ എസ് അയ്യര്‍.
ശബരിമല സ്വാമി അയ്യപ്പന്‍ റോഡില്‍ കഴിഞ്ഞ ദിവസമുണ്ടായ മണ്ണിടിച്ചിലിന്റെ അവശിഷ്ടങ്ങള്‍ നീക്കം ചെയ്തു.
എന്‍ഡിആര്‍എഫ് ടീം തിരുവല്ലയില്‍ ക്യാമ്പ് ചെയ്തിട്ടുണ്ട്.
ജില്ലയില്‍ അപകട സാധ്യതയുള്ള സ്ഥലങ്ങളിലെ ആളുകളെ സുരക്ഷിത സ്ഥാനത്തേക്ക് മാറ്റി പാര്‍പ്പിച്ചു.
അടിയന്തിര സാഹചര്യത്തില്‍ ജില്ലയിലേക്ക് രക്ഷാ പ്രവര്‍ത്തനത്തിനായി ബോട്ട് എത്തിക്കുന്നതു സംബന്ധിച്ച് കൊല്ലം ജില്ലാ കളക്ടറുമായി സംസാരിച്ചിട്ടുണ്ട്.
കനത്ത മഴയില്‍ ജില്ലയില്‍ വീടുകള്‍ക്കും കിണറുകള്‍ക്കും സംരക്ഷണ ഭിത്തികള്‍ക്കും നാശം സംഭവിച്ചിട്ടുണ്ട്.
മല്ലപ്പള്ളിയില്‍ ഫയര്‍ഫോഴ്‌സ് ടീം ക്യാമ്പ് ചെയ്യണമെന്നും കളക്ടര്‍ നിര്‍ദ്ദേശിച്ചു.