കൊച്ചി:തിങ്കളാഴ്ച മുതൽ പാലുൽപന്നങ്ങൾക്ക് വില കൂടുമെന്ന് മിൽമ. പാൽ, തൈര്, ലെസ്സി ഉൽപന്നങ്ങൾക്ക് 5% വില കൂടും. കൃത്യമായ വില പ്രസിദ്ധീകരിക്കുമെന്നും മിൽമ ചെയർമാൻ അറിയിച്ചു. അരി, ധാന്യം, പാലുൽപ്പന്നങ്ങൾ എന്നിവയ്ക്ക് 5 ശതമാനം ജിഎസ്ടി ഏർപ്പെടുത്തിയ സാഹചര്യത്തിലാണിത്.
പ്രീ–പാക്ക് ചെയ്ത മാംസം (ഫ്രോസൻ അല്ലാത്തത്), മീൻ, തേൻ, ശർക്കര, പനീർ, ലെസ്സി, പപ്പടം, പാക്കറ്റിലാക്കി വിൽക്കുന്ന ഗോതമ്പുപൊടി അടക്കമുള്ളവയ്ക്കും 5 ശതമാനം നികുതി ബാധകമാകും. ജൂൺ അവസാനം ചേർന്ന ജിഎസ്ടി കൗൺസിൽ യോഗത്തിൽ പരിഷ്കരിച്ച മറ്റു നികുതി നിരക്കുകളും തിങ്കളാഴ്ച പ്രാബല്യത്തിൽ വരും. നികുതി വർധനയ്ക്കനുസരിച്ച് പല ഉൽപന്നങ്ങൾക്കും സേവനങ്ങൾക്കും വിലയും കൂടിയേക്കും.
ബ്രേക്കിംഗ് കേരളയുടെ വാട്സ് അപ്പ് ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക Whatsapp Group
| Telegram Group | Google News
