ന്യൂഡൽഹി: കേരളസമൂഹത്തിന് അതിവേഗം പ്രായമേറുന്നുവെന്ന് ഇൻസ്റ്റിറ്റ്യൂട്ട് ഫോർ കോംപറ്റീറ്റീവ്നെസ് റിപ്പോർട്ട്. പ്രധാനമന്ത്രിയുടെ സാമ്പത്തിക ഉപദേശക സമിതി നിർദേശിച്ച പ്രകാരം തയാറാക്കിയ റിപ്പോർട്ടിൽ ജീവിത നിലവാരത്തിൽ കേരളം പിന്നിലാണെന്നും പറയുന്നു.
തമിഴ്നാട്, ബംഗാൾ എന്നീ സംസ്ഥാനങ്ങളും അതിവേഗം പ്രായമാകും. ബിഹാർ, ഉത്തർപ്രദേശ്, മധ്യപ്രദേശ് തുടങ്ങിയവ താരതമ്യേന യുവത്വം നിലനിർത്തും. 2011 ലെ സെൻസസ് അനുസരിച്ച് കേരള ജനസംഖ്യയുടെ 12.5% പ്രായമുള്ളവരാണ്. 2036 ൽ 60 വയസ്സിനു മുകളിലുള്ളവരുടെ അനുപാതം ഏറ്റവുമധികം ഉയരുന്നത് കേരളത്തിലായിരിക്കും.
കൂടാതെ, സംസ്ഥാനത്തെ ആരോഗ്യസംവിധാനങ്ങൾ ശക്തമാണെങ്കിലും പ്രായമായവരിൽ വലിയൊരു വിഭാഗം പ്രമേഹം, അർബുദം തുടങ്ങിയ രോഗങ്ങളുള്ളവരാണ്. 2031–2035ൽ കേരളത്തിലെ ആയുർദൈർഘ്യം 77.32 ആകും.
ബ്രേക്കിംഗ് കേരളയുടെ വാട്സ് അപ്പ് ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക Whatsapp Group
| Telegram Group | Google News