തിരുവനന്തപുരം:സംസ്ഥാനത്ത് വിവിധ
ജില്ലകളിൽ പ്രതിപക്ഷ സമരത്തിൽ വ്യാപക അക്രമം. മുപ്പതിലധികം പോലീസുകാർക്ക് പരിക്ക്. പാലക്കാട്, തിരുവനന്തപുരം, കോഴിക്കോട്, കോട്ടയം, കൊല്ലം ജില്ലകളിൽ യുത്ത് കോൺഗ്രസ് അക്രമ പരമ്പര. പാലക്കാട്ട് 12 ലധികം പോലീസുകാർക്ക് പരിക്കേറ്റു. വനിതാ പോലീസുകാർക്കും
പരിക്കുണ്ട്.
കല്ലും വടിയും ഇരുമ്പു കമ്പികളും ഉപയോഗിച്ചായിരുന്നു അക്രമം . പോലിസ് വാഹനങ്ങൾ തല്ലി തകർത്തു.വഴി യാത്രക്കാർക്ക് നേരെയും അക്രമം ഉണ്ടായി.
സമരക്കാർ പൊലിസിന്റെ നേരെ അക്രമിക്കുകയായിരുന്നു. തലസ്ഥാനത്ത് ഒരു മാധ്യമ പ്രവർത്തകന്
സമരക്കാരുടെ കല്ലേറിൽ പരിക്കേറ്റു
കോവിഡ് മാനദണ്ഡങ്ങൾ ലംഘിച്ചു നടക്കുന്ന ആൾകൂട്ട സമരങ്ങൾ രോഗ് വ്യാപന ആശങ്ക വർധിപ്പിച്ചിരിക്കുകയാണ്. മാസ്ക് ധരിക്കാതെയും സാമൂഹ്യ അകലം പാലിക്കാതെയുമാണ് സമരക്കാർ എത്തുന്നത്.
ഇത് അപകടകരമാണെന്ന് ആരോഗ്യ വിദഗ്ധർ മുന്നറിയിപ്പ് നൽകുന്നു.
കണ്ടെയ്മെന്റ് സോണുകളിൽ നിന്നും രോഗവ്യാപനം കുടുതലു ള്ള മേഖലകളിൽ നിന്നും പ്രവർത്തകരും മറ്റും സമരത്തിന് എത്തുന്നുണ്ട്. അതിനിടെ സമരത്തിൽ പങ്കെടുത്തവർക്ക് കോവിഡ് ബാധിക്കുന്നത് ആശങ്ക രൂക്ഷമാക്കിയിട്ടുണ്ട്. തൃശൂരിൽ സമരങ്ങളിൽ പങ്കെടുത്ത
പത്തിലധികം കോൺഗ്രസ് പ്രവർത്തകർക്ക് കോവിഡ് സ്ഥിരീകരിച്ചിരുന്നു.
