24.6 C
Kottayam
Friday, March 29, 2024

മൂന്നു വയസുകാരിയെ പതിനാലും പതിനഞ്ചും വയസുകാര്‍ ചേര്‍ന്ന് ബലാത്സംഗം ചെയ്തു

Must read

മുംബൈ: മുംബൈയില്‍ മൂന്നു വയസുകാരിയെ പതിനാലും പതിനഞ്ചും വയസ്സുള്ള രണ്ടു പേര്‍ ചേര്‍ന്ന് ബലാത്സംഗം ചെയ്തതായി കേസ്. മുംബൈ നഗരത്തോടു ചേര്‍ന്ന ബോറിവ്ലിയിലാണ് നടുക്കുന്ന സംഭവം.

ബോറിവ്ലി നാഷനല്‍ പാര്‍ക്കില്‍ വച്ചാണ് കുറ്റകൃത്യം നടന്നതെന്ന് പോലീസ് പറയുന്നു. വീട്ടുമുറ്റത്തു കളിച്ചുകൊണ്ടു നില്‍ക്കുകയായിരുന്ന കുട്ടിയെ രണ്ട് ആണ്‍കുട്ടികളും ചേര്‍ന്ന് എടുത്തുകൊണ്ടു പോവുകയായിരുന്നു. ആളൊഴിഞ്ഞ സ്ഥലത്തുവച്ച് കുട്ടിയെ ബലാത്സംഗത്തിന് ഇരയാക്കി.

കുട്ടിയുടെ കരച്ചില്‍ കേട്ടാണ് മാതാപിതാക്കള്‍ എത്തിയത്. അവരോട് കുട്ടി സംഭവം വിവരിക്കുകയായിരുന്നു. തുടര്‍ന്ന് മാതാപിതാക്കള്‍ കസ്തൂര്‍ബാ മാര്‍ഗ് പൊലീസില്‍ എത്തി പരാതി നല്‍കി. രണ്ടു പേരെയും അറസ്റ്റ് ചെയ്തതായും കറക്ഷന്‍ ഹോമിലേക്ക് അയച്ചതായും പൊലീസ് അറിയിച്ചു. ഐപിസിയിലെയും പോക്സോ നിയമത്തിലെയും വിവിധ വകുപ്പുകള്‍ അനുസരിച്ചാണ് കേസ് രജിസ്റ്റര്‍ ചെയ്തിട്ടുള്ളത്.
കുട്ടി ആശുപത്രിയില്‍ സുഖംപ്രാപിച്ചു വരുന്നതായും പൊലീസ് പറഞ്ഞു.

ബ്രേക്കിംഗ് കേരളയുടെ വാട്സ് അപ്പ് ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക Whatsapp Group | Telegram Group | Google News

More articles

Popular this week