![](https://breakingkerala.com/wp-content/uploads/2021/06/pinaray.jpg)
തിരുവനന്തപുരം: അടുത്ത വര്ഷം ഒന്നര ലക്ഷം വീടുകള് നിര്മ്മിച്ചുനല്കുമെന്ന് മുഖ്യമന്ത്രി പിണറായി വിജയന്. അഞ്ച് വര്ഷം കൊണ്ട് 5 ലക്ഷം വീടുകള് പൂര്ത്തിയാക്കും. വികസനത്തെ വിവാദത്തില് മുക്കാനുള്ള ശ്രമത്തെ ജനം തോല്പ്പിച്ചു എന്നും മുഖ്യമന്ത്രി പറഞ്ഞു. ഗവര്ണറുടെ നയപ്രഖ്യാപന പ്രസംഗത്തിന് മേലുള്ള നന്ദിപ്രമേയ ചര്ച്ചയ്ക്ക് മറുപടി പറയുകയായിരുന്നു മുഖ്യമന്ത്രി.
സാമൂഹ്യ പെന്ഷനുകള് 2500 രൂപയാക്കുമെന്നും മുഖ്യമന്ത്രി പറഞ്ഞു. അറുപതിനായിരം കോടി രൂപയുടെ അടിസ്ഥാന സൗകര്യവികസന പദ്ധതി നടപ്പാക്കും. കര്ഷകരുടെ വരുമാനം 50 ശതമാനം വര്ധിപ്പിക്കും. 1500 സ്റ്റാര്ട്ടപ്പുകള് ആരംഭിക്കും. തിരുവനന്തപുരം, കോഴിക്കോട് ലൈറ്റ് മെട്രോ നടപ്പാക്കുമെന്നും മുഖ്യമന്ത്രി കൂട്ടിച്ചേര്ത്തു.
തീരദേശ പരിപാലന പ്ലാന് തയ്യാറാക്കി കേന്ദ്രത്തിന് സമര്പ്പിക്കും. തീരദേശ പരിപാലന നിയമത്തില് കേന്ദ്ര വനം-പരിസ്ഥിതി മന്ത്രാലയം ഭേദഗതി വരുത്തി പുതിയ വിജ്ഞാപനം പുറപ്പെടുവിച്ചിട്ടുണ്ട്.
2019 ലെ വിജ്ഞാപനത്തിന്റെ അടിസ്ഥാനത്തില് ഒരു തീരദേശ പരിപാലന പ്ലാന് തയ്യാറാക്കുകയും അത് കേന്ദ്ര പരിസ്ഥിതി-വനം-കാലാവസ്ഥാ വ്യതിയാന മന്ത്രാലയം അംഗീകരിക്കുന്ന മുറയ്ക്ക് മാത്രമേ ഈ വിജ്ഞാപനത്തിലെ ഇളവുകള് സംസ്ഥാനത്ത് ലഭിക്കുകയുള്ളൂവെന്ന് കെ ബാബുവിന്റെ ശ്രദ്ധക്ഷണിക്കലിന് മറുപടിയായി മുഖ്യമന്ത്രി പറഞ്ഞു.