കൊച്ചി: അന്തരിച്ച മുൻ മുഖ്യമന്ത്രി ഉമ്മൻ ചാണ്ടിയെ സാമൂഹിക മാധ്യമത്തിലൂടെ അധിക്ഷേപിച്ച നടൻ വിനായകനെതിരെ നടപടി ആവശ്യപ്പെട്ട് യൂത്ത് കോണ്ഗ്രസ്.
യൂത്ത് കോണ്ഗ്രസ് പ്രവര്ത്തകൻ സോണി പനന്താനമാണ് കൊച്ചി എസിപിക്ക് പരാതി നല്കിയത്. ഡിജിപിക്കും കൊച്ചി സിറ്റി പൊലീസ് കമ്മീഷണര്ക്കും യൂത്ത് കോണ്ഗ്രസ് നേതാക്കള് പരാതി നല്കിയിട്ടുണ്ട്. പരാതി പരിശോധിച്ച് നടപടിയെടുക്കാൻ നോർത്ത് പോലീസിന് കമ്മീഷണർ നിർദ്ദേശം നൽകി.
വിനായകൻ സിനിമ മേഖലയിലെ ലഹരിമാഫിയയുടെ തലവനാണെന്നാണ് കൊച്ചി അസിസ്റ്റന്റ് പൊലീസ് കമ്മീഷണര്ക്ക് അജിത്ത് അമീര് ബാവ നല്കിയ പരാതിയില് ആരോപിക്കുന്നത്. വിനായകന്റെ ലഹരി – മാഫിയ ബന്ധങ്ങള് അന്വേഷിക്കണമെന്നും പരാതിയില് പറയുന്നു.
ഉമ്മൻചാണ്ടിയെ അധിക്ഷേപിച്ച് സാമൂഹിക മാധ്യമങ്ങളില് വീഡിയോ പ്രചരിപ്പിച്ചെന്നാണ് പരാതിയില് പറയുന്നത്. എറണാകുളം ഡിസിസി ജനറല് സെക്രട്ടറി അജിത്ത് അമീര് ബാവയും പൊലീസില് പരാതി നല്കിയിട്ടുണ്ട്. യൂത്ത് കോണ്ഗ്രസ് ജില്ലാ ജനറല് സെക്രട്ടറിയായ സതീഷ് ഡിജിപിക്കാണ് പരാതി നല്കിയത്.
ആരാണ് ഈ ഉമ്മൻ ചാണ്ടി, ഉമ്മൻ ചാണ്ടി ചത്തു, എന്തിനാണ് മൂന്ന് ദിവസം അവധി എന്നൊക്കൊണ് ഫേസ്ബുക്ക് ലൈവിലൂടെ വിനായകൻ ചോദിച്ചത്. ‘ആരാണ് ഈ ഉമ്മൻ ചാണ്ടി, എന്തിനാടോ മൂന്ന് ദിവസൊക്കെ, നിര്ത്തിയിട്ട് പോ പത്രക്കാരോടാണ് പറയുന്നത്.
ഉമ്മൻ ചാണ്ടി ചത്ത് അതിന് ഞങ്ങള് എന്ത് ചെയ്യണം എന്റെ അച്ഛനും ചത്തു നിങ്ങളുടെ അച്ഛനും ചത്തു. അതിനിപ്പോ ഞങ്ങളെന്ത് ചെയ്യണം. നല്ലവനാണെന്ന് നിങ്ങള് വിചാരിച്ചാലും ഞാൻ വിചാരിക്കില്ല. കരുണാകരന്റെ കാര്യം നോക്കിയാല് നമ്മക്കറിയില്ലെ ഇയാള് ആരോക്കെയാണെന്ന്’ – വിനായകൻ ലൈവില് ചോദിച്ചു.