MOVIE🎞️ ‘വിത്ത് ദിലീപേട്ടൻ ആൻഡ് ഇക്ക’; ചിത്രം പങ്കുവെച്ച് അമൃത സുരേഷ്; കമന്റ് ബോക്സ് ഓഫ് ചെയ്ത് താരം

കൊച്ചി:ഐഡിയ സ്റ്റാര്‍ സിംഗര്‍ എന്ന റിയാലിറ്റി ഷോയിലൂടെ മലയാളി പ്രേക്ഷകര്‍ക്കേറെ സുപരിചിതയായ ഗായികയാണ് അമൃത സുരേഷ്. സംഗീത സംവിധായകൻ ഗോപി സുന്ദറുമായി ഒരു പുതിയ ജീവിതം ആരംഭിച്ചിരിക്കുകയാണ് അമൃത. ഒരുമിച്ച് ജീവിതം ആരംഭിച്ചതോടെ ഇരുവർക്കും സൈബർ ആക്രമണം നേരിടേണ്ടതായി വന്നിരുന്നു.

സോഷ്യൽ മീഡിയയിൽ സജീവമാണ് അമൃത. ഇപ്പോഴിതാ, സൗദിയിൽ ഒരു പരിപാടിക്കായി പോയിരിക്കുകയാണ് താരം. ദിലീപ്, നാദിർഷ, കോട്ടയം നസീർ, രഞ്ജിനി ജോസ്, ഡയാന തുടങ്ങിയ താരങ്ങൾക്ക് ഒപ്പമാണ് അമൃതയും എത്തിയിരിക്കുന്നത്. കഴിഞ്ഞ ദിവസം ഇവർക്കെല്ലാവർക്കും ഒപ്പമുള്ള ഒരു ചിത്രം അമൃത സോഷ്യൽ മീഡിയയിൽ പങ്കുവച്ചിരുന്നു.

ഇപ്പോൾ ദിലീപിനും നാദിർഷയ്ക്കും ഒപ്പമുള്ള രണ്ടു ചിത്രങ്ങൾ കൂടി പങ്കുവച്ചിരിക്കുകയാണ് അമൃത. ‘വിത്ത് ദിലീപേട്ടൻ ആൻഡ് ഇക്ക’ എന്ന അടികുറുപ്പമായാണ് അമൃത ചിത്രം പങ്കുവച്ചിരിക്കുന്നത്. എന്നാൽ കമന്റ് ബോക്സ് ഓഫ് ചെയ്താണ് ഗായിക ചിത്രങ്ങൾ പോസ്റ്റ് ചെയ്തിരിക്കുന്നത്.

മുൻപ് വിമർശനങ്ങൾ ഒരുപാട് വന്നിരുന്ന സമയത്ത് ഗോപി സുന്ദറിനൊപ്പമുള്ള ചിത്രങ്ങൾ പങ്കുവച്ചപ്പോൾ ഇത് പോലെ അമൃത കമന്റ് ബോക്സ് ഓഫ് ചെയ്തിരുന്നു. മോശം കമന്റുകൾ ഒഴിവാക്കാൻ വേണ്ടിയാണ് താരം കമന്റ് ബോക്സ് ഓഫ് ചെയ്തത് എന്നാണ് ആരാധകർ കരുതുന്നത്. എന്നാൽ ദിലീപിനും സംഘത്തിനും ഒപ്പം കഴിഞ്ഞ ദിവസം പങ്കുവച്ച ചിത്രത്തിന്റെ കമന്റ് ബോക്സ് ഓഫാക്കിയിരുന്നില്ല.

ഗോപി സുന്ദറിനെ ഒഴിവാക്കിയോ എന്നടക്കമുള്ള കമന്റുകൾ ആ ചിത്രത്തിന് താഴെ വന്നിരുന്നു. അതേസമയം, ഒരിടവേളയ്ക്ക് ശേഷമാണ് ദിലീപ് വീണ്ടും സ്റ്റേജ് പ്രോഗ്രാമുകളും മറ്റുമായി സജീവമാകുന്നത്. മലയാള സിനിമയിലേക്കും വമ്പൻ തിരിച്ചുവരവിന് ഒരുങ്ങുകയാണ് നടൻ. കൈനിറയെ ചിത്രങ്ങളാണ് ദിലീപിന്റേതായി അണിയറയിൽ ഒരുങ്ങുന്നത്.