ജെനീവ: കൂടുതൽ കൊറോണ വൈറസ് വകഭേദങ്ങൾ ലോകത്ത് വ്യാപിക്കാൻ സാധ്യതയുണ്ടെന്ന് ലോകാരോഗ്യ സംഘടനയുടെ മുന്നറിയിപ്പ്. അവയെ നിയന്ത്രിക്കുന്നത് കൂടുതൽ വെല്ലുവിളിയായിരിക്കുമെന്നും ഡബ്ലു.എച്ച്.ഒ എമർജൻസി കമ്മിറ്റി വ്യക്തമാക്കി.
കൊവിഡ് മഹാമാരി അവസാനിച്ചിട്ടില്ല. പുതിയതും നിലവിലുള്ളതിനേക്കാൾ അപകടകാരിയുമായ വൈറസ് വകഭേദങ്ങൾ ഉണ്ടായേക്കാം. അവ ലോകത്ത് വ്യാപിച്ചേക്കാം. അവയെ നിയന്ത്രിക്കുക എന്നത് വലിയ വെല്ലുവിളി ഉയർത്താനിടയുണ്ട്, ഡബ്ലു.എച്ച്.ഒ എമർജൻസി കമ്മിറ്റി പറഞ്ഞു.
അന്താരാഷ്ട്ര യാത്രകൾക്ക് കോവിഡ് വാക്സിനേഷൻ സർട്ടിഫിക്കറ്റ് നിർബന്ധമാക്കണമെന്ന നിലപാടിനെയും ഡബ്ല്യൂ.എച്ച്.ഒ. എതിർത്തു. അന്താരാഷ്ട്ര യാത്രയ്ക്ക് അനുമതി നൽകുന്നതിന് വാക്സിനേഷൻ മാത്രമാകരുത് മാനദണ്ഡം. ലോകത്ത് വാക്സിൻ വിതരണം ഒരേവിധത്തിലല്ല നടക്കുന്നതെന്നും ഡബ്ല്യൂ.എച്ച്.ഒ ചൂണ്ടിക്കാട്ടി.
കൊറോണ വൈറസ് രൂപപ്പെട്ടത് സംബന്ധിച്ച പഠനത്തിന് ചൈനയുടെ സഹരണം ലോകാരോഗ്യ സംഘടനാ മേധാവി ടെഡ്രോസ് അഥാനോം ആവശ്യപ്പെട്ടു.