തിരുവനന്തപുരം:www.breakingkerala.com മന്ത്രിമാർ കേരളപര്യടനത്തിനായി കെഎസ്ആർടിസിയിൽ കയറുംമുമ്പ് ഡ്രൈവറോടും കണ്ടക്ടറോടും ശമ്പളം കിട്ടിയിട്ട് എത്രനാളായി എന്ന് ചോദിക്കുന്നത് നന്നായിരിക്കും എന്ന് പ്രതിപക്ഷനേതാവ് വി.ഡി. സതീശൻ. ഇല്ലെങ്കിൽ അവർ വഴിയിലിട്ട് പോകുമെന്നും വി.ഡി. സതീശൻ പരിഹസിച്ചു.
വികസനപദ്ധതികളുടെ പുരോഗതി വീക്ഷിക്കാനും ജനങ്ങളുമായി ആശയവിനിമയം നടത്താനുമായി മുഖ്യമന്ത്രി പിണറായി വിജയനും മന്ത്രിമാരും കേരളപര്യടനം നടത്തുമെന്ന് വ്യക്തമാക്കിയിരുന്നു. മണ്ഡലപര്യടനത്തിനിറങ്ങുന്ന മുഖ്യമന്ത്രി പിണറായി വിജയനും മന്ത്രിമാരും സഞ്ചരിക്കുന്നത് കെ.എസ്.ആർ.ടി.സി.യുടെ ലോ ഫ്ളോർ എ.സി. വോൾവോ ബസ്സിലാകും എന്ന വിവരങ്ങളും പുറത്തുവന്നിരുന്നു. ഇതിൽ പരിഹാസവുമായിട്ടായിരുന്നു പ്രതിപക്ഷ നേതാവിന്റെ ഫെയ്സ്ബുക്ക് പോസ്റ്റ്.
ഫെയ്സ്ബുക്ക് കുറിപ്പിന്റെ പൂർണരൂപം
കേരള സര്‍ക്കാരിന്റെ നേട്ടങ്ങള്‍ പ്രചരിപ്പിക്കാന്‍ മുഖ്യമന്ത്രിയും മന്ത്രിമാരും എല്ലാ മണ്ഡലങ്ങളിലും പര്യടനം നടത്തുന്നുണ്ട്. പ്രത്യേകം തയ്യാറാക്കിയ കെ.എസ്.ആർ.ടി.സി. ബസിലാണത്രേ യാത്ര. ബസില്‍ കയറുന്നതിന് മുന്‍പ് ഡ്രൈവര്‍ക്കും കണ്ടക്ടര്‍ക്കും ശമ്പളം കിട്ടിയിട്ട് എത്ര നാളായെന്ന് ചോദിക്കുന്നത് നന്നായിരിക്കും. ഇല്ലെങ്കില്‍ അവര്‍ ചിലപ്പോള്‍ നിങ്ങളെ വഴിയിലിട്ട് പോയാലോ.