CrimeKeralaNews

വൈക്കത്ത് കള്ളുഷാപ്പിന് മുന്നിൽ കത്തിക്കുത്ത്; കൊല്ലപ്പെട്ടത് കൊല്ലം സ്വദേശി,പ്രതി കസ്റ്റഡിയിൽ

വൈക്കം: കള്ളുഷാപ്പിനു മുന്നിൽ മധ്യവയസ്കനെ കുത്തേറ്റ് മരിച്ച നിലയിൽ കണ്ടെത്തിയ സംഭവം കൊലപാതകം. കൊല്ലം പുനലൂർ കരവാളൂർ ബിജു ഭവനിൽ ഉമ്മൻ ജോർജിന്റെ മകൻ ബിജു ഉമ്മൻ ജോർജി (48) നെയാണ് വൈക്കം വലിയകവല പെരിഞ്ചില ഷാപ്പിന് മുന്നിൽ മരിച്ച നിലയിൽ കണ്ടെത്തിയത്. സംഭവുമായി ബന്ധപ്പെട്ട് വൈക്കം കല്ലറ മുണ്ടാർ സ്വദേശി സജീവിനെ (47) വൈക്കം പോലീസ് കസ്റ്റഡിയിലെടുത്തു.

ബുധനാഴ്ച രാവിലെ ഒൻപതോടെയായിരുന്നു സംഭവം. വൈക്കം പോലീസിന്റെയും വിദഗ്ധരുടെയും നേതൃത്വത്തിൽ നടത്തിയ പരിശോധനയിൽ വയറ്റിൽ കുത്തേറ്റാണ് മരണമെന്ന് സ്ഥിരീകരിച്ചു.

ഒരു മാസം മുൻപ് സജീവും ബിജു ജോർജും ഒരുമിച്ചിരുന്ന് മദ്യപിച്ചിരുന്നതായി പോലീസ് പറയുന്നു. മദ്യപിപിച്ചു ലക്കുകെട്ട സജീവിന്റെ മൊബൈൽ ഫോണും പേഴ്സും ബിജു മോഷ്ടിച്ചുവെന്ന് ആരോപിച്ച് ഇവർ തമ്മിൽ തർക്കം ഉണ്ടാകുകയും ചെയ്തിരുന്നു.

പിന്നീട് ബിജു ഒരു മൊബൈൽ ഫോൺ വലിയ കവലയ്ക്കു സമീപത്തെ ബാറിൽ വിൽക്കാൻ ശ്രമിച്ചെന്നും ഇക്കാര്യം അറിഞ്ഞതിനെ തുടർന്ന് ഇവർ തമ്മിൽ കാണുമ്പോഴൊക്കെ കലഹിച്ചിരുന്നുവെന്നും പോലീസ് പറയുന്നു.

ബുധനാഴ്ച രാവിലെ പെരിഞ്ചില കള്ളുഷാപ്പിലെത്തി മദ്യപിക്കുന്നതിനിടയിൽ തമ്മിൽ കണ്ടപ്പോഴുണ്ടായ തർക്കം കത്തിക്കുത്തിൽ കലാശിക്കുകയായിരുന്നു. തുടർന്ന് അന്വേഷണം ആരംഭിച്ച പോലീസ് സംഘം പ്രതിയെ കസ്റ്റഡിയിൽ എടുക്കുകയും വിശദമായി ചോദ്യം ചെയ്യുകയുമായിരുന്നു. ഇതോടെയാണ് പ്രതി കുറ്റം സമ്മതിച്ചത്.

കുഞ്ഞമ്മയാണ് ബിജുവിന്റെ മാതാവ് അവിവാഹിതനാണ്. വൈക്കം കോലോത്തുംകടവ് മത്സ്യമാർക്കറ്റിലെ ഐസ് പ്ലാന്റ് തൊഴിലാളിയായിരുന്നു ബിജു.

ബ്രേക്കിംഗ് കേരളയുടെ വാട്സ് അപ്പ് ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക Whatsapp Group | Telegram Group | Google News

Related Articles

Back to top button
Close

Adblock Detected

Please consider supporting us by disabling your ad blocker