പരിക്കേറ്റവരെ ആശുപത്രിയിൽ എത്തിച്ചാൽ 25,000 രൂപ; 2.5 ലക്ഷം രൂപവരെ സൗജന്യ ചികിത്സ,’രാഹവീർ’ പദ്ധതിയിങ്ങനെ

ന്യൂഡൽഹി: ദേശീയപാതയിൽ പരിക്കേറ്റവരെ ആശുപത്രിയിലെത്തിക്കുന്നവരെ ‘രാഹവീർ’ (പാതയിലെ വീരൻ) ആയി പ്രഖ്യാപിക്കുകയും കാൽലക്ഷം രൂപ പ്രതിഫലംനൽകുകയും ചെയ്യുമെന്ന്ഗതാഗത മന്ത്രി നിതിൻ ഗഡ്കരി പറഞ്ഞു.

ആശുപത്രിയിൽ പ്രവേശിപ്പിക്കപ്പെട്ടവരുടെ ആദ്യ ഏഴുദിവസത്തെ 2.5 ലക്ഷം രൂപവരെയുള്ള ബില്ലും ദേശീയപാത അതോറിറ്റി ഇൻഷുറൻസിലൂടെ നൽകും. 10 മിനിറ്റിന്റെ വിളിപ്പുറത്ത് ആംബുലൻസ് എത്തിക്കാനും ആധുനികീകരിച്ച ആംബുലൻസ് സേവനത്തിനും സംസ്ഥാനങ്ങളുമായി ധാരണപത്രത്തിൽ ഒപ്പിട്ടിട്ടുണ്ടെന്നും ഇതിന് കേന്ദ്രീകൃതനമ്പർ കൊണ്ടുവരുമെന്നും മന്ത്രി വ്യക്തമാക്കി.