TURKEY EARTHQUAKE🌍 തുർക്കി ഭൂചലനത്തിൽ മരിച്ചവരുടെ എണ്ണം 3800 കടന്നു,മരണ സംഖ്യ ഉയ‍‍‍ർന്നേക്കും,രക്ഷാപ്രവർത്തനം തുടരുന്നു

തുർക്കി :തുർക്കി സിറിയൻ അതിർത്തി മേഖലയിൽ ഉണ്ടായ അതിശക്തമായ ഭൂചലനത്തിൽ മരിച്ചവരുടെ എണ്ണം 3,800 കടന്നു. 14,000ലധികം പേർക്കാണ് പരിക്കേറ്റിട്ടുള്ളത്. ഇവരിൽ പലരുടേയും നില അതീവ ഗുരുതരമാണ്. ഒടുവിലെ ഔദ്യോഗിക കണക്കനുസരിച്ച് തുർക്കിയിൽ 2379 പേരും സിറിയയിൽ 1,444 പേരുമാണ് കൊല്ലപ്പെട്ടത്.

മരണസംഖ്യ ഇനിയും ഉയരുമെന്ന് ലോകാരോഗ്യ സംഘടന പറയുന്നു.ഇപ്പോഴും നിരവധി പേരാണ് കെട്ടിടങ്ങൾക്ക് ഉള്ളിൽ കുടുങ്ങിക്കിടക്കുന്നത്.രാത്രി വൈകിയും രക്ഷാപ്രവർത്തനം തുടരുകയാണ്.മോശം കാലാവസ്ഥ രക്ഷാപ്രവർത്തനത്തെ പ്രതികൂലമായി ബാധിക്കുന്നുണ്ട്. 

ജർമ്മനി, സ്വിറ്റ്സർലൻഡ്, ഹംഗറി, ഗ്രീസ് തുടങ്ങിയ രാജ്യങ്ങളിൽനിന്നുള്ള രക്ഷാപ്രവർത്തകർ തുർക്കിയിലേക്ക് തിരിച്ചു. ഇന്ത്യ ഉൾപ്പെടെ 45 ലോകരാജ്യങ്ങളാണ് മരുന്ന് ഉൾപ്പെടെയുള്ള സഹായം വാഗ്ധാനം ചെയ്തിരിക്കുന്നത്.തുർക്കി സിറിയൻ അതിർത്തി മേഖലയിലുണ്ടായ തുടർച്ചയായ മൂന്ന് ഭൂചലനങ്ങളാണ് കനത്ത നാശം വിതച്ചത്.https://twitter.com/ChaseTheWX/status/1622439607613759488?ref_src=twsrc%5Etfw%7Ctwcamp%5Etweetembed%7Ctwterm%5E1622439607613759488%7Ctwgr%5Ee8628c3e582f346df4fae96cd815c07d62548b97%7Ctwcon%5Es1_c10&ref_url=https%3A%2F%2Fwww.manoramaonline.com%2Fnews%2Flatest-news%2F2023%2F02%2F06%2Fearthquake-in-turkey-updates.html

ആശുപത്രികളും ചരിത്രസ്മാരകങ്ങളുമുൾപ്പെടെ നൂറുകണക്കിനു കെട്ടിടങ്ങൾ നിലംപൊത്തി. ഒട്ടേറെപ്പേർ ഇവയ്ക്കടിയിൽ കുടുങ്ങിയിട്ടുള്ളതിനാൽ മരണസംഖ്യ കുത്തനെ ഉയരാം. 1939-ൽ 33,000 പേരുടെ മരണത്തിനിടയാക്കിയ എർസിങ്കൻ ഭൂകമ്പത്തിനുശേഷം തുർക്കിയിലുണ്ടാകുന്ന ശക്തമായ ഭൂകമ്പമാണിതെന്ന് പ്രസിഡന്റ് രജബ്‌ തയ്യിപ് ഉർദുഗാൻ പറഞ്ഞു.

ഭൂകമ്പമുണ്ടാകുമ്പോൾ ആളുകൾ ഉറക്കമായിരുന്നത് ദുരന്തത്തിന്റെ തീവ്രതയേറ്റി. തുർക്കിയിൽമാത്രം 1500-ഓളം പേർ മരിച്ചെന്ന് പ്രസിഡന്റ് ഉർദുഗൻ പറഞ്ഞു. 7,600-ഓളം പേർക്ക് പരിക്കേറ്റു. 3000 കെട്ടിടങ്ങൾ നിലംപതിച്ചെന്നും അവശിഷ്ടങ്ങൾ നീക്കുമ്പോൾ മരണസംഖ്യ എത്രയാകുമെന്ന് അറിയില്ലെന്നും അദ്ദേഹം പറഞ്ഞു.

Scary footage of the earthquake in Turkey tonight.
pic.twitter.com/NweJRwrnhn

— Faytuks News Δ (@Faytuks) February 6, 2023

പ്രസിഡന്റ് ബാഷർ അൽ അസദിന്റെ സർക്കാരും വിമതരുമായി 11 വർഷത്തിലേറെയായി യുദ്ധം നടക്കുന്ന സിറിയയിൽ എണ്ണൂറിലേറെ പേർ മരിച്ചതായാണ് വിവരം. 1,280-ഓളം പേർക്ക് പരിക്കേറ്റു. വിമതരുടെ നിയന്ത്രണത്തിലുള്ള വടക്കുപടിഞ്ഞാറൻ സിറിയയെയാണ് ഭൂകമ്പം ഏറെ ബാധിച്ചത്. യുദ്ധം നശിപ്പിച്ച അലെപ്പോ, ലടാക്കിയ, ഹമ, ടാർട്ടസ് പ്രവിശ്യകളിലെ കെട്ടിടങ്ങൾ തകർന്നടിഞ്ഞെന്ന് സിറിയൻ ആരോഗ്യമന്ത്രാലയം അറിയിച്ചു. യുദ്ധത്താൽ ഞെരുങ്ങുന്ന ആശുപത്രികളും ആരോഗ്യസംവിധാനങ്ങളും ഭൂകമ്പത്തിൽ പരിക്കേറ്റവരെക്കൊണ്ടു നിറഞ്ഞെന്ന് രക്ഷാപ്രവർത്തകർ പറഞ്ഞു.

40 ലക്ഷം പേരാണ് വിമതർക്കു നിയന്ത്രണമുള്ള പ്രദേശങ്ങളിൽ പാർക്കുന്നത്. യുദ്ധത്തിൽ പൊളിഞ്ഞവയാണ് ഇവിടത്തെ മിക്ക കെട്ടിടങ്ങളും. ഭൂകമ്പത്തിൽ അവ പാടേ തകർന്നു. നൂറുകണക്കിനു കുടുംബങ്ങൾ കെട്ടിടാവശിഷ്ടങ്ങൾക്കടിയിലുണ്ടെന്ന് വിമതമേഖലകളിൽ രക്ഷാപ്രവർത്തനം നടത്തുന്ന സംഘടനയായ വൈറ്റ് ഹെൽമെറ്റ്‌സ് പറഞ്ഞു.

Turkey💔 #Turkey #amed #earthquake #Earthquake pic.twitter.com/qVwPXft9Hu

— Ismail Rojbayani (@ismailrojbayani) February 6, 2023

തുർക്കിയിലെ തീരനഗരമായ ഇസ്കന്ദെരൗണിൽ ആശുപത്രി തകർന്നു. എത്രപേർ മരിച്ചെന്നറിയില്ലെന്ന് വൈസ് പ്രസിഡന്റ് ഫൗത് ഒക്തേ പറഞ്ഞു. മലാത്യപ്രവിശ്യയിൽ 13-ാം നൂറ്റിൽ പണിത മുസ്‌ലിം പള്ളി ഭാഗികമായി തകർന്നു. ഇവിെട 92 പേർ താമസിച്ചിരുന്ന 14 നിലക്കെട്ടിടം നിലംപൊത്തി. കുരിശുയുദ്ധകാലത്ത് റോമൻ സൈന്യംപണിത 2,200 കൊല്ലം പഴക്കമുള്ള കോട്ട തകർന്നു.

മെഡിറ്ററേനിയൻ തീരത്തുള്ള സെയ്ഹാൻ കയറ്റുതി ടെർമിനലിലേക്കുള്ള എണ്ണ പൈപ്പ്‌ലൈനുകൾ മുൻകരുതലെന്ന നിലയിൽ തുർക്കി പൂട്ടി. ഇതുവഴി ദിവസവും ലക്ഷക്കണക്കിനു വീപ്പ എണ്ണയാണ് ഇറാഖിലേക്കും അസർബൈജാനിലേക്കും തുർക്കി നൽകുന്നത്. പ്രാദേശിക എണ്ണ, വൈദ്യുതി വിതരണശൃംഖലകളെ ഭൂകമ്പം ബാധിച്ചു.

BREAKING: First footage is emerging after a M7.8 earthquake in central Turkey.#Turkey #Earthquake
pic.twitter.com/5nJL41NFhO

— Global News Network (@GlobalNews77) February 6, 2023

ലോകത്തെ ഏറ്റവും സജീവമായ ഭൂകമ്പമേഖലകളിലൊന്നാണ് തുർക്കി. തുർക്കിയിലെ ഗാസിയന്റെപ് നഗരത്തിനുസമീപം 18 കിലോമീറ്റർ ആഴത്തിലാണ് ഭൂകമ്പമാപിനിയിൽ 7.8 തീവ്രത രേഖപ്പെടുത്തിയ ഭൂകമ്പത്തിന്റെ പ്രഭവകേന്ദ്രം. തുർക്കിയിൽനിന്ന് അയ്യായിരത്തിലേറെ കിലോമീറ്റർ അകലെയുള്ള ഗ്രീൻലൻഡിൽവരെ പ്രകമ്പനം അനുഭവപ്പെട്ടെന്ന് ജിയോളജിക്കൽ സർവേ ഓഫ് ഡെന്മാർക്ക് ആൻഡ് ഗ്രീൻലൻഡ് പറഞ്ഞു. ആദ്യഭൂകമ്പത്തിനുശേഷമുള്ള പത്തു മണിക്കൂറിനുള്ളിൽ അമ്പതിലേറെ തുടർ ചലനങ്ങളുണ്ടായി. ആദ്യത്തേതിനോളം തീവ്രതയുള്ളവയായിരുന്നു ഇവയിൽ പലതും.