ഇടുക്കിയിൽ റെഡ് അലര്‍ട്ട്: മൂന്നാര്‍ ഗ്യാപ്പ് റോഡില്‍ രാത്രി യാത്ര നിരോധിച്ചു

തൊടുപുഴ: റെഡ് അലര്‍ട്ട് പ്രഖ്യാപിച്ച ഇടുക്കി ജില്ലയിലെ മൂന്നാര്‍ മേഖലയില്‍ ശക്തമായ കാറ്റും മഴയും തുടരുകയാണ്. ഈ സാഹചര്യത്തില്‍ കൊച്ചി ധനുഷ്‌കോടി ദേശീയപാതയിലെ മൂന്നാര്‍ ഗ്യാപ് റോഡില്‍ മണ്ണിടിച്ചിലും ഗതാഗത തടസ്സവും ഉണ്ടാകാനുള്ള സാധ്യത കണക്കിലെടുത്ത് ഇന്ന് രാത്രി യാത്രയ്ക്ക് നിരോധനം ഏര്‍പ്പെടുത്തി.

ദുരന്തനിവാരണ നിയമമനുസരിച്ചാണ് യാത്രാ നിരോധനം ഏര്‍പ്പെടുത്തിയിരിക്കുന്നത്. നിയമം ലംഘിക്കുന്നവര്‍ക്കെതിരെ കര്‍ശനമായ നടപടിയുണ്ടാകുമെന്നും ജില്ലാ കലക്ടര്‍ അറിയിച്ചു.