🚂 യാത്രക്കാരുടെ ശ്രദ്ധയ്ക്ക് 🚂 കോട്ടയം വഴിയുള്ള റെയിൽ ഗതാഗതത്തിന് വീണ്ടും നിയന്ത്രണം

കൊച്ചി:തൃപ്പൂണിത്തുറയ്ക്കും കോട്ടയം സ്റ്റേഷനും ഇടയിൽ ട്രാക്ക് നവീകരണ പ്രവർത്തനങ്ങൾ നടക്കുന്ന ദിവസങ്ങളിൽ നാല് ട്രെയിനുകൾ ആലപ്പുഴ വഴി തിരിച്ചു വിടുന്നതായി റെയിൽവേ അറിയിച്ചു.

▪️ എറണാകുളം ടൗണിൽ നിന്നും ഉച്ചയ്ക്ക് 01.00 ന് പുറപ്പെടുന്ന ട്രെയിൻ നമ്പർ 17230 തിരുവനന്തപുരം ശബരി എക്സ്പ്രസ്സ്‌ മാർച്ച്‌ 12,14,19, 22 തിയതികളിൽ ആലപ്പുഴ വഴിയായിരിക്കും സർവീസ് നടത്തുന്നത്.. തൃപ്പൂണിത്തുറ, കോട്ടയം, തിരുവല്ല, ചെങ്ങന്നൂർ, മാവേലിക്കര സ്റ്റോപ്പുകൾ ഈ ദിവസങ്ങളിൽ റദ്ദാക്കിയതായി റെയിൽവേ അറിയിച്ചു. അതേ സമയം എറണാകുളം ജംഗ്ഷൻ, ചേർത്തല, ആലപ്പുഴ, അമ്പലപ്പുഴ, ഹരിപ്പാട് സ്റ്റേഷനുകളിൽ ഈ ട്രെയിന് അധികമായി സ്റ്റോപ്പുകൾ അനുവദിച്ചിട്ടുണ്ട്.

▪️എറണാകുളം ടൗണിൽ നിന്ന് ഉച്ചയ്ക്ക് 01.45 ന് പുറപ്പെടുന്ന ട്രെയിൻ നമ്പർ 16649 മംഗലാപുരം – നാഗർകോവിൽ പരശുറാം എക്സ്പ്രസ്സ്‌ മാർച്ച്‌ 12, 14, 19, 22 തിയതികളിൽ ആലപ്പുഴ വഴിയായിരിക്കും സർവീസ് നടത്തുന്നത്. ഈ ദിവസങ്ങളിൽ തൃപ്പൂണിത്തുറ, പിറവം, ഏറ്റുമാനൂർ, കോട്ടയം, ചങ്ങനാശ്ശേരി, തിരുവല്ല, ചെങ്ങന്നൂർ, മാവേലിക്കര സ്റ്റേഷനുകളിലെ സ്റ്റോപ്പുകൾ റദ്ദാക്കിയതായി റെയിൽവേ അറിയിച്ചു. യാത്രക്കാരുടെ സൗകര്യാർത്ഥം ഈ ട്രെയിന് എറണാകുളം ജംഗ്ഷൻ, ചേർത്തല, ആലപ്പുഴ, അമ്പലപ്പുഴ, ഹരിപ്പാട് സ്റ്റേഷനുകളിൽ താത്കാലിക സ്റ്റോപ്പും അനുവദിച്ചിട്ടുണ്ട്.

▪️കൊച്ചുവേളിയിൽ നിന്ന് ആരംഭിക്കുന്ന ട്രെയിൻ നമ്പർ 12202 കൊച്ചുവേളി – ലോക്മാന്യ തിലക് ഗരീബ് രഥ് എക്സ്പ്രസ്സ്‌ മാർച്ച്‌ 13 ന് ആലപ്പുഴ വഴിയാണ് സർവീസ് നടത്തുന്നത്. അന്നേ ദിവസം ചെങ്ങന്നൂർ, തിരുവല്ല, കോട്ടയം സ്റ്റേഷനുകളിലെ സ്റ്റോപ്പ്‌ റെയിൽവേ റദ്ദാക്കിയിട്ടുണ്ട്. യാത്രക്കാരുടെ സൗകര്യാർത്ഥം ആലപ്പുഴ, എറണാകുളം ജംഗ്ഷൻ സ്റ്റേഷനുകളിൽ ഈ ട്രെയിന് താത്‌കാലിക സ്റ്റോപ്പ്‌ അനുവദിച്ചിട്ടുണ്ട്.

▪️മാർച്ച്‌ 12 ന് കോർബയിൽ നിന്ന് പുറപ്പെട്ട് മാർച്ച്‌ 14 ന് രാവിലെ 10.50 എറണാകുളം ടൗണിൽ എത്തിച്ചേരുന്ന 22647 കോർബ – കൊച്ചുവേളി സൂപ്പർ ഫാസ്റ്റ് ആലപ്പുഴ വഴിയാണ് സർവീസ് നടത്തുന്നത്. ഈ ദിവസം തൃപ്പൂണിത്തുറ, കോട്ടയം, തിരുവല്ല, ചെങ്ങന്നൂർ, മാവേലിക്കര സ്റ്റേഷനുകളിലെ സ്റ്റോപ്പുകൾ റദ്ദാക്കിയതായി റെയിൽവേ അറിയിച്ചിട്ടുണ്ട്. യാത്രക്കാരുടെ സൗകര്യാർത്ഥം എറണാകുളം ജംഗ്ഷൻ, ചേർത്തല, ആലപ്പുഴ, അമ്പലപ്പുഴ, ഹരിപ്പാട് സ്റ്റേഷനുകളിൽ ഈ ദിവസം സ്റ്റോപ്പ്‌ അനുവദിച്ചിട്ടുണ്ട്.

രാവിലെ കോട്ടയം വഴി സർവീസ് നടത്തുന്ന ട്രെയിൻ നമ്പർ 17229 തിരുവനന്തപുരം – സെക്കന്ദ്രബാദ് ശബരി എക്സ്പ്രസ്സ്‌, 16650 നാഗർകോവിൽ – മംഗലാപുരം പരശുറാം എക്സ്പ്രസ്സുകൾക്ക് മാറ്റമില്ല.