യുവതി കാമുകനൊപ്പം വീണ്ടും ഒളിച്ചോടി; ഭർത്താവും സംഘവും കാമുകൻ്റെ വീട് അടിച്ചുതകർത്തു

കൂത്തുപറമ്പ്: ഭർത്താവിനെ ഉപേക്ഷിച്ച് യുവതി കാമുകനൊപ്പം ഒളിച്ചോടിയതിൻ്റെ വൈരാഗ്യത്തിൽ ഭർത്താവും സംഘവും കാമുകൻ്റെ വീട് അടിച്ചുതകർത്തു. യുവതിയും കാമുകനും ഒരുമിച്ചു താമസിക്കുന്നുണ്ടെന്ന വിവരം ലഭിച്ചതോടെയാണ് ഭർത്താവും സംഘവും കാമുകൻ്റെ വീട് വളഞ്ഞ് ആക്രമണം നടത്തിയത്. കൂത്തുപറമ്പ് സ്റ്റേഷൻ പരിധിയിൽ ഞായറാഴ്ച വൈകുന്നേരമാണ് സംഭവം.

ഒരാഴ്ച മുൻപാണ് യുവതി കാമുകനൊപ്പം നാടുവിട്ടത്. ഇരുവരും കഴിഞ്ഞദിവസം നാട്ടിൽ തിരിച്ചെത്തിയിരുന്നു. ഒരുമിച്ച് താമസിക്കുന്നുണ്ടെന്ന വിവരത്തെ തുടർന്ന് യുവതിയുടെ ഭർത്താവിൻ്റെ നേതൃത്വത്തിൽ ഒരു സംഘം കാമുകൻ്റെ വീട്ടിലെത്തി. തുടർന്ന് വീടിന്റെ ജനൽചില്ലുകൾ മൊത്തമായി അടിച്ചുതകർക്കുകയും വീട്ടുമുറ്റത്ത് നിർത്തിയിട്ടിരുന്ന ബൈക്കും സ്‌കൂട്ടറും തല്ലിപ്പൊളിക്കുകയുമായിരുന്നു.

തെങ്ങ് മുറിഞ്ഞ് വീണ് 4 യുവാക്കൾക്ക് അപകടം
വീട്ടുടമയുടെ പരാതിയിൽ കൂത്തുപറമ്പ് പോലീസ് കേസെടുത്ത് അന്വേഷണം തുടങ്ങി. യുവതിയും കാമുകനും 2021ലും സമാനമായ രീതിയിൽ ഒളിച്ചോടിയിരുന്നു. ഈ സംഭവത്തിലും കൂത്തുപറമ്പ് പോലീസ് കേസെടുത്തിരുന്നു.