കല്പറ്റ: മുണ്ടക്കൈ ചൂരൽമല ഉരുൾപൊട്ടൽ ദുരന്തത്തിൽ കേന്ദ്രം വായ്പ എഴുതിത്തള്ളില്ല. ദുരന്തബാധിതരുടെ ബാങ്ക് വായ്പ എഴുതിത്തള്ളാനാകില്ലെന്ന് കേന്ദ്ര സർക്കാർ ഹൈക്കോടതിയെ അറിയിച്ചു. ബാങ്ക് വായ്പ എഴുതിത്തള്ളാന് നിയമത്തില് വ്യവസ്ഥയില്ലെന്നാണ് കേന്ദ്ര സർക്കാർ കോടതിയെ അറിയിച്ചത്.
കേന്ദ്രത്തിന്റെ അധികാരപരിധിക്ക് പുറത്തുള്ള കാര്യമാണ് വായ്പ എഴുതിത്തള്ളൽ. തീരുമാനമെടുക്കേണ്ടത് അതത് ബാങ്കുകളുടെ ഡയറക്ടർ ബോർഡാണെന്ന് കേന്ദ്ര ആഭ്യന്തരമന്ത്രാലയം ഹൈക്കോടതിയെ അറിയിച്ചു.
ദുരിതബാധിതരുടെ ബാങ്ക് വായ്പ എഴുതിത്തള്ളുന്നതുമായി ബന്ധപ്പെട്ട് നിരവധി തവണ ഹൈക്കോടതി കേന്ദ്ര സർക്കാരിനോട് നിലപാട് ആവശ്യപ്പെട്ടിരുന്നു. വായ്പ എഴുതിത്തള്ളാൻ സാധിക്കുമോ ഇല്ലയോ എന്നത് സംബന്ധിച്ച് വ്യക്തമായ കാര്യം പറയണമെന്ന് ഹൈക്കോടതി പറഞ്ഞിരുന്നു. ഇതിന്റെ പശ്ചാത്തലത്തിലാണ് ഇപ്പോൾ ഹൈക്കോടതിയിൽ കേന്ദ്രം ഇക്കാര്യം അറിയിച്ചിരിക്കുന്നത്.