കോട്ടയം: എരുമേലി കണമലയില് ശബരിമല തീര്ഥാടകര് സഞ്ചരിച്ച വാഹനം നിയന്ത്രണംവിട്ട് മറിഞ്ഞ് പത്ത് വയസുകാരി മരിച്ചു. ചെന്നൈ താംബരം സ്വദേശിനി സംഘമിത്രയാണ് മരിച്ചത്. 17 പേര്ക്ക് പരിക്കേറ്റു. ഗുരുതരമായ പരിക്കേറ്റ കുട്ടിയെ ഉടന്തന്നെ ആശുപത്രിയിലേക്ക് കൊണ്ടുപോയെങ്കിലും ജീവന് രക്ഷിക്കാനായില്ല. മുണ്ടക്കയം – എരുമേലി സംസ്ഥാന പാതയില് വൈകിട്ട് 3.15 ഓടെയായിരുന്നു അപകടം.
ചെന്നൈയില്നിന്ന് ശബരിമലയിലേയ്ക്ക് പോയ തീര്ഥാടകര് സഞ്ചരിച്ച വാഹനമാണ് അപകടത്തില്പ്പെട്ടത്.കണമലയില് ഇറക്കത്തില് നിയന്ത്രണം നഷ്ടമായ വാഹനം ക്രാഷ് ബാരിയര് തകര്ത്ത് താഴ്ചയിലേക്ക് മറിയുകയായിരുന്നു. 21 പേര് വാഹനത്തിലുണ്ടായിരുന്നു. പരുക്കേറ്റവരെ കാഞ്ഞിരപ്പള്ളി ജനറല് ആശുപത്രിയിലേക്കും കോട്ടയം മെഡിക്കല് കോളജിലേക്കും കൊണ്ടുപോയി.
ബ്രേക്കിംഗ് കേരളയുടെ വാട്സ് അപ്പ് ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക Whatsapp Group
| Telegram Group | Google News