EntertainmentKeralaNews

സ്നേഹ ബാബു വിവാഹിതയാകുന്നു; വരന്‍ ‘കരിക്ക്’ കുടുംബത്തില്‍ നിന്ന് തന്നെ

കൊച്ചി: കരിക്ക് വെബ് സീരിസുകളിലൂടെ പ്രേക്ഷകര്‍ക്ക് സുപരിചിതയായ സ്നേഹ ബാബു വിവാഹിതയാകുന്നു. ഛായഗ്രാഹകനായ അഖില്‍ സേവ്യറാണ് വരന്‍. നേരത്തെ കരിക്കിന്‍റെ തന്നെ സാമര്‍ത്ഥ്യ ശാസ്ത്രം എന്ന സീരിസിന്‍റെ ക്യാമറ കൈകാര്യം ചെയ്തിരുന്നത് അഖിലായിരുന്നു, അഖിലിനൊപ്പം നിൽക്കുന്ന ചിത്രം പങ്കുവച്ചാണ് പ്രണയവാർത്ത സ്നേഹ സ്ഥിരീകരിച്ചത്. ‘സാമർത്ഥ്യ ശാസ്ത്രത്തിന് നന്ദിയെന്നാണ് സ്നേഹയുടെ കുറിപ്പ്. ഈ സീരിസിന്‍റെ സെറ്റില്‍ വച്ചാണ് ഇവര്‍ പ്രണയത്തിലായത്.

സാമര്‍ത്ഥ്യശാസ്ത്രത്തില്‍ പ്രധാന വേഷത്തില്‍ സ്നേഹ എത്തയിരുന്നു. എന്തായാലും സ്നേഹയുടെ ഇന്‍സ്റ്റഗ്രാം പോസ്റ്റിന് അടിയില്‍ കരിക്ക് ഫാമിലിയിലെ അംഗങ്ങള്‍ തന്നെ ആശംസയുമായി എത്തിയിട്ടുണ്ട്. അര്‍ജുന്‍ രത്തന്‍, ശബരീഷ്, നീലിന്‍ സാന്‍ഡ്ര തുടങ്ങിയവര്‍ എല്ലാം ആശംസയുമായി എത്തിയിട്ടുണ്ട്. കരിക്കിന്‍റെ വന്‍ ഹിറ്റായ സീരിസുകളില്‍ എല്ലാം സ്നേഹ ബാബു പങ്കാളിയായിട്ടുണ്ട്. പ്ലസ് ടുവില്‍ അടക്കം സ്നേഹയുടെ റോള്‍ ഏറെ ശ്രദ്ധിക്കപ്പെട്ടിരുന്നു. 

ഇന്‍സ്റ്റഗ്രാം റീല്‍സുകളിലും സ്നേഹ നിറഞ്ഞു നില്‍ക്കുന്നുണ്ട്. ആദ്യരാത്രി, ഗാനഗന്ധർവൻ, മിന്നൽ മുരളി എന്നീ ചിത്രങ്ങളിൽ ശ്രദ്ധേമായ വേഷങ്ങളിലും സ്നേഹ അഭിനയിച്ചിട്ടുണ്ട്. ടിക്ടോക് കാലത്ത് സജീവമായിരുന്ന സ്നേഹ അതുവഴിയാണ് കരിക്ക് സീരിസില്‍ എത്തിയത്. 

https://www.instagram.com/p/CuwcxATRNmc/?utm_source=ig_web_copy_link&igshid=MzRlODBiNWFlZA==
ബ്രേക്കിംഗ് കേരളയുടെ വാട്സ് അപ്പ് ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക Whatsapp Group | Telegram Group | Google News

Related Articles

Back to top button
Close

Adblock Detected

Please consider supporting us by disabling your ad blocker